03:20 Eje | |
 EJE Eje, meni saňa meňzeş görýärler, Meni görüp seni salýarlar ýada. Parahatdyň, dünýe ýaly giňdiň sen, Düşüp ýöreňokdyň men ýaly oda. Baýdak ýaly pasyrdamda, synymdan çekipjik, "Ýuwaşrak bolaý!" diýerdiň. "Erkek oglanlara meňzäp barýarsyň, Bulary özüňden biläý!" diýerdiň... Eje, meni saňa meňzeş görýärler, Meni görüp seni salýarlar ýada. Bir agzym bişensoň, özümden özgä ynanmadym ahyr, bolsam-da sada. Ýaşadym men derýalarda gark bolup, Ýaşadym men, bir-de ölüp, direlip. Eje, meniň zeýrenesim gelenok, Bizi känbir aýamady dirilik. Geläýmeseň, wah, ýanyma direlip. Eje, meni saňa meňzeş görýärler, Meni görüp seni salýarlar ýada. Ýöne men, ýöne men... perwana eje! Öz-özüni dözüp ýören perýada. Käşgä saňa meňzeş bolsadym, eje! Kim maňa dost, duşman... bilsedim, eje! © Ogiltäç ORAZTAGANOWA | |
|
| |
| Всего комментариев: 1 | |
|
| |
