MENU
Главная » 2023 » Апрель » 27 » Eje
19:34
Eje

EJE


Eje, meni bagryňa bas, gujakla,
Elleriň ýylysy, ýüregiň mähri,
Synama ornasyn kowsun dünýämden
Maňa ýapşak bolan sussupesligmi.

Eje, meni bagryňa bas, gujakla,
ýumşak aýaň sypalasyn serimi.
Ýüregimiň derdi gözden syrygyp
Ýuwsun aýralygyň oýan ýerini.

Eje, meni bagryňa bas, gujakla,
Ýyly demiň ot goýbersin synama.
Çekile-çekile sapagy ýolnan
Ýapyşalga bolsun sönýän ynama.

Eje, meni bagryňa bas, gujakla,
Undaýyn dünýäni, tutuş barlygy.
Bir pursatlyk arşda seýil edeýin,
Hemdemme öwürüp bagtyýarlygy.

Eje, meni bagryňa bas, gujakla,
Asla hiç wagt açylmasyn gollaryň.
Barlygyňda mydam bagta bürener,
Geçmeli menzillem,alys ýollarym.

© Bagtygül TEKÄÝEWA
Категория: Goşgular | Просмотров: 96 | Добавил: Bagty | Теги: Bagtygül Tekäýewa | Рейтинг: 5.0/1
Всего комментариев: 1
avatar
0
1 lirika • 20:52, 27.04.2023
,,ýapsak" -su sözi gosgynyñ içinde seýdip alsyñyza gynandym. Baýram Akadowyñ Aýsat Hojamuhammedowanyñ ,, nämçüýn" söziniñ bolmaýandygy metbugatda eden çykysy ýada düsüp gitdi.

Aýralyk ýüregi oýusy birhili esidilýän ýaly... (ylalasman bilersiñiz)
Çekile-çekile sapagy ýolnan,
Ýapysalga bolsun sönýän ynama --bu setirde näme diýjek bolduñyz?

Hemdemme--bu söze-de düsünmedim.

Asla hiç wagt açylmasyn gollaryñ --Mähriban käbäñ gollaryny açman nädip gujaklasyn..

Umuman, bu meniñ öz pikirlerim ylalasman bilersiñiz. Bagtygül, üstünlikler arzuw edýän :)
Войдите:
avatar

© Türkmen Edebiýaty 2025

uCoz