MENU
Главная » 2024 » Январь » 30 » Kimdir biri ...
08:03
Kimdir biri ...

KIMDIR BIRI...
Exclusive

Kimdir biri tutýan ýaly adymy,
Kimdir biri ýiten ýaly gözleýär.
Içki dünýämdäki bar syry bilip,
Ony ýene täzelik deý sözleýär.
Kimdir biri duýgularmy ogurlap,
Gidip barýar, keşbi gizlin hem sessiz.
Kimdir biri şatlygymy, gaýgymy
Bir günlük alsyn-da uzaga gitsin.
Kimdir biri jaýyň burçuna geçip,
Edil özüm bolup aglaýar durman.
Kimdir biri meýhanada meý içip,
Törümde irkilýär, boýnuny burman.
Kimdir biri utananok, çekinmän,
Meň adymdan tanyşlarmy aldaýar.
Kimdir biri gara bagrym tütedip,
Ölen agam bolup, golun salgaýar.
Kimdir biri iň ýigrenýän geýmimi
Geýip meni uzaklara çagyrýar.
Kimkä ol içimde ynjyk ýürek deý,
Yza çekip, sanjyp-sanjyp agyrýar.

28.01.2024.
Gurbanmyrat Saryýew.
Категория: Goşgular | Просмотров: 128 | Добавил: Lacrymosa | Теги: Gurbanmyrat Saryýew | Рейтинг: 4.5/4
Всего комментариев: 5
avatar
0
1 Lacrymosa • 08:09, 30.01.2024
Gyw, ýetçeken, şahyr bolupsyň-a!

Suraty duşmadyk bolmagy ahmal,
pul gördüm-de oňatjo görüp goýaýdym
avatar
0
2 Kyyas • 08:11, 30.01.2024
Goşgyña bäşlik. Meniñ özümem mydam şeýle sussupes bolamdanmy? Kemi barmy ýokmy? Emma maña täsir etýän , duýgy oýaryjy goşgy diýip, ýüregim aggzymdan çykjak bolýar.
avatar
0
3 Lacrymosa • 08:19, 30.01.2024
Ýüregiňi bir gusaýma-how, Remezan!
avatar
0
4 sussupessimist • 08:55, 30.01.2024
Exclusiv-i edil adynda ýazman, başga bir ýerinde ýazsaňam bolardylaý.
Kimdir biri utananok, çekinmän,
Meň adymdan tanyşlarmy aldaýar.
şu ýerini gowja sazlamaly eken.
Kä ýerindäki arzan kapiýalara gözüňi ýumsaň (gözleýär/sözleýär), üstünde işläp, gowy goşgy edip bolardy. Hasam Kimdir biriniň gara bagrym tütedip, Ölen agam bolup, golun salgamagy gowy.
avatar
0
5 Küle • 09:22, 30.01.2024
Kimdir biriniň goşgusyna meňzedi. B.m.ş.p.
Öz goşgusyny ýazyberseňem boljak ekeni
Войдите:
avatar

© Türkmen Edebiýaty 2025

uCoz