20:06 Eziz enem | |
 Eziz enem Dogdum janyňdan jan alyp, Seniň ganyňdan gan alyp. Agynyp süýdüňi emdim, Karar etmän sallançakda Gijeler ukyňdan kemdim. Eziz enem. Ýene sendiň ideg eden, Hakym barmy, ýokmy bilmen - Ýetişsem-de ömrüňden ömür alyp, Göwnüňden göwün alyp, Şowlulyk getirmedik gül men. Enem. Ýene sen - Haýpy gelen, apalan. Ine, men - Hatasy agdyk balaň. Bu dünýä getirenem sensiň, Bu güne ýetirenem seniň. Bir kemsiz enelik borjun, Ýerine ýetirenem seniň. Ýöne gyzyň bu durmuşyň, Boýun egmän akymyna Çöpläbilen hatalaryn çöpledi. Bak, ine. Ah, ene, jahanda ýalňyz görküňe, Haýran men-ä edebiňe, erkiňe. Gyzyň bolsa janyňdan jan alsa-da, Ganyňdan gan alsa-da, Alsa-da ömrüňden ömür, Kemse-de göwnüňden göwün, Meňzemedi hiç kime. Eziz enem. Ýöne sen - Haýpy gelen, apalan. Ýene men - Hatasy agdyk balaň. © Suraý Amanakowa | |
|
| |
| Всего комментариев: 2 | |
|
| |
