10:38 Geljekden bir gün | |
|
GELJEKDEN BIR GÜN Namaza turuzar galjaň aýalyň (Şu endigem galman geçdi, galmaýar), Ine, çaýa oturaňda depäňde Agtyjagyň kagyzlary gaýmalar. Sähel gatan çörek görüp saçakda, Kümşüldäp başlarsyň, hüňürdäp dişe. A soň köne portfeliň goltuklap, Köne endik bilen ugrarsyň işe. — Salam, daýy! — Gurgunmysyň, keýigim? — Salam, mugallym! — Salam, salam, Ogulbagt!.. ... — Hany, bu gün kim öwrendi goşgyny? — Men öwrendim. — Berekella, hany aýt!.. ...Ogluň bardyr, gyzyň bardyr, köp şükür! Hersi bir ojagy aýlap ýörendir. Ejeleri bolsa, ýazýan goşgyňdan Henizem bir gyzy peýläp ýörendir. (Gabanjaňdy... Hut häzirem gabanjaň, Onuň söýgüsine müň keren tagzym) ...Agşam ýene ýassyk... Gan basyş... ýürek... Irden sagdyn oýarawer, ýa Taňrym! © Sapa HOMMADOW | |
|
| |
| Всего комментариев: 6 | |
|
| |
