09:11 Gijeler | |
|
Arzymy sözläpler nur saçýan Aýa, Kä gökden özüme gözledim saýa, Ýüregim ymtylyp diňe sen taýa, Arzuwlam özünde jemlän gijeler, Ýeňledim men ýürek derdimi aýdyp, Bu ajap pursatlar dolanmaz gaýdyp, Otyryn ýyldyza syrdaşdyr öýdüp, Kalbymdaky dertlem emlän gijeler, Süýji arzuwlarmyz gitmesin gaýyp, Saklajak kalbymyň töründe goýup, Garaş söýen ýaryň geler-le diýip, Ýyldyzlar göz gypyp ümlän gijeler. Neneň dözýäň meni gaýgy-gam, gussa, Sen bolmasaň meniň ýüregim gysýa, Ýalňyzlyk hanjar dek kalbymy kesýä, Ähli arzy halym diňlän gijeler. Gel, begendir meni gara göz, dilber, Ýylgyrsaň dünýäme çaýylar enwer, Gökdäki ýyldyzlar misli dür, göwher, Çekýän ahy-zarym aňlan gijeler, Ýüreklerde juwan söýgi joşurup, Ýakynladar ýary ýara duşuryp, Maňlaýymyň ýazgydyna gowşuryp, Maksat-myradymyz oňlan gijeler. Süleýman Tekäýew | |
|
| |
| Всего комментариев: 2 | |
|
| |
