Name: Gijigip geldim
Item: Gijigip geldim
Author: sylapberdimuhamov

01:10 Gijigip geldim
GIJIGIP GELDIM Howlukdym, Bolmady. Gijigip geldim, Ýaş kalbyma gaýnag guýan düzlere. Atamy aldyrdym, içigip galdym, Ýüregimde daglar goýan düzlere. Çagalyk ýyllarym agtaryp geldim, Çabgasyna suwa düşen düzlerme. Şeýtan owlak bilen oýnap "Bukuldym", Guzy bilen çapyşylan düzlerme. Ýigdekçe ýyllarmy soraglap geldim, Läle diñläp, oýa giden düzlerme. Erte-birgün ülpüldeýän bägüliñ Soljagyny gaýgy eden düzlerme. Jahyllyk ýyllarmy idegläp geldim. ...Adyn aýtdym täk şemala düzlerde. Torgaýlar çalýardy dillitüýdügin Gygyramda "Aýjemala" düzlerde. Kalbym köräp, alaw alan düzlerden. Ýañy gitdim, geldim ýañja öwrülip, Dem salym - saçyma ak sepip geldim. Ählisi siñipdir damja öwrülip, Ýogsa men ýüwürip, alñasap geldim Jigerimi hijran çawlan düzlere. © Gurbandurdy GELDIÝEW
1 2 3 4 5 Категория: Goşgular \| Просмотров: 90 \| Добавил: Medicall \| Теги: Gurbandurdy Geldiýew \| Рейтинг: 5.0/3

Всего комментариев: 2
Порядок вывода комментариев: 0 1 sylapberdimuhamov • 04:29, 07.07.2023 Gurbandurdy aganyñ Mart geler atly kitabyny okuwçy wagtym 10 gezek okandyryn. 0 2 Мango • 12:21, 07.07.2023 ykjamja, ýürekdeşje goşgy... çagalyk, ýigitlik, jahyllyk barada, gijigip gelen düzleri barada, ýekeje agyzam artyk aýtman, süýndirmän-sarkdyrman ýazypdyr Gurbandurdy aga. minnetdar, ýazana, okadana.