15:30 Güýz soňlanar, arzuwlarym soňlanmaz | |
|
Güýz soňlanar, arzuwlarym soňlanmaz Gorkman -- kimleň bagry ýakmaklaryndan, Ýalan-ýaşryk töhmet ýapmaklaryndan, Ýere haly düşäp ýapraklaryndan, Güýz soňlanar, arzuwlarym soňlanmaz. Men ýokduryn -- panyň şüweleňinde, Göçgünli başlaryň şagalaňynda, Üşäp gara baglaň şahalarynda, Güýz soňlanar, arzuwlarym soňlanmaz. Birçak sesi ýatdy saýrak guşlaryň, Ýöne ýoly açyk umyt-yşlaryň, Dözüp bizi gujagyna gyşlaryň, Güýz soňlanar, arzuwlarym soňlanmaz. Goja Zemin durar mydam aýlanyp, Bilemok hiç agyr sözden aýňalyp, Kän bolsa-da, şatlyk, gussa, aýralyk, Güýz soňlanar, arzuwlarym soňlanmaz. Üşemäň siz, gujagynda dünýeleň! Dat gününe sowanlaryň, düňleleň, Gykuwlaşýan sesi bilen durnalaň, Güýz soňlanar, arzuwlarym soňlanmaz. Ogultäç Oraztaganowa | |
|
| |
| Всего комментариев: 1 | |
|
| |
