Name: Höküm
Item: Höküm
Author: Мango

23:15 Höküm
HÖKÜM Häzir goşgy ähli zatdan has zerur Dili tutulýana dildar deý möhüm. Gündogarda tüm bar, günbatarda nur Goşgy dymyşlyga çykarýar höküm. Nebir derdim bardy sygmaýan göze Uludy gussanyň ýüregi kimin. Rehimdar bentlerim meni deňize Agdaryp goýberdi, gark boldum elin. Ötünjim goşgy deý juda belentdi Goşgy bilen ýetdim sekiz gat arşa. Ýalňyşlarym meni dergähe eltdi Geldim ýeke özüm ýar garşy alsa. Sen kalbymyň derýa dönen mawysy Eý, ähli şygyrlaň deňzine bakýan! Ýetermi köňlümiň ahy-nalasy, Ökünjim derýama goşulyp akýar. Bar uruşda ölmän galan şehit men Söweşler dynmazak başym üstünde. Eý, goşgym gel, ýagtylyga äkit sen Ýogsam galjak deýin bu agyr tümde. © Seýran OTUZOW
1 2 3 4 5 Категория: Goşgular \| Просмотров: 78 \| Добавил: Medicall \| Теги: Seýran Otuzow \| Рейтинг: 5.0/3

Всего комментариев: 1
Порядок вывода комментариев: 0 1 Мango • 10:00, 05.08.2024 "Gündogarda tüm bar, günbatarda nur" – ajaýyp boýun alyş. ýöne günbataryň nury hem o diýen bir nur dälmikä diýän. ýene-de ýöne, häzirki günbatar bilen deňeseň.... elbet-de iň bolmanda nurrak. --- goşgyň ady "höküm".... nämä höküm edildi? belki öz oňarmadyk zadyny goşgusyna höküm edýär: "goşgym gel, ýagtylyga äkit sen". diýmek Seýran günbatary küýseýär, ýogsym "goşgym, ýagtylygy getir sen" diýerdi... --- Bar uruşda ölmän galan şehit men Söweşler dynmazak başym üstünde. uruşda ölene şehit, ölmän ýaralanana gazi diýilýädämi? ýa seýran "şehitler ölmeýär" ("olara öli diýmäň...") prinsipinden ugur aldymyka? "Söweşler dynmazak başym üstünde" okaňda inni, şü "dynmazagy" haýsyna baglamaly? başamy ýa söweşe... 1) Söweşler - dynmazak başym üstünde 2) Dynmazak söweşler - başym üstünde --- Ýalňyşlarym meni dergähe eltdi Geldim ýeke özüm ýar garşy alsa. ýerimden turybrak çapak çaldym we "Ýaşasyn ýalňyşlar" diýip aklymda aýladym. (ýaşasyn, eger dergähe eltjek bolsa) 5 ýyzzyl. Seýran däde, ýagtylyga ýetseň bizi-ýem unutma... gol bulagyn...

Edebiýat Kafesi

© Nurdan

запомнить
Забыл пароль \| Регистрация

E-mail:
Пароль: