11:23 Hüýrlukgam | |
 HÜÝRLUKGAM (Hemranyň dilinden) Müsürde doglan aşygyň, Derdi bitmedi, Hüýrlukgam. Geçmek arzyly gaşyňa. Nesip etmedi, Hüýrlukgam. Atam Hysrow kän kemsindi, Perzent mährinden ymsyndy, Ne alaç ejiz nebse indi, Hesip etmedi, Hüýrlukgam. Ziwer, Hurşyt agalarym, Öýüň uly çagalary. Körpe ogluň nalalaryn, Patyşa eştmedi, Hüýrlukgam. Uýam Güljemile maňa, Ýürekdeş, ezizdi jana. Wah, neneň aýdaýyn saňa, Sesim ýetmedi, Hüýrlukgam. Ýola düşdük, ine, bir gün, «Gitse gelmez» boldy görgim. Göýä ki bakyýa sürgün, Okum ýitmedi, Hüýrlukgam. Ýaşaýyp Bagy-Eremde, Şähruhuň ýurdy keremdir. Meni çar bagyň teýinde, Bukup goýmadyň, Hüýrlukgam. Gözüm oýuk, sokur kör däl, Ýogsa men beýle pahyr däl, Uçup gel, halymy gör-dä, Demiň ýetmedi, Hüýrlukgam. Hemranyň tylla dutaryn, Çalyň, derdimden gutaryň. Meni dünýäniň utanyn, Ykrar etmediň, Hüýrlukgam. Gurbanmyrat Saryýew | |
|
| |
| Всего комментариев: 1 | |
|
| |
