20:26 Iň soňky gün diýme | |
 IŇ SOŇKY GÜN DIÝME... Iň soňky gün diýme, Hudaý saklasyn. Heniz men garramok, Gartaşaňok sen, Ýaşlygy şeýtana talatmadyk biz. Nobata garaşyp hümer howluda, Karta garap, palçy pal atmadyk bil. Iň soňky gün diýme, Näbilýäň ony. Biz maňlaýa ýazamyzok hiç zady, Bu maňlaýdan pozmarysam hiç zady, Kän günler bar, Ine, meniň kalendarda-ha, Ellenmedik 310 gün bar. Iň soňky gün diýme, Diliňden al kaksyn, Gaýta perişdeleň gülküsi tutsun bu sözlerňe, Gaty gören günler göz-gülban görünsin gözlerňe, Beýdip-beýdip dözüberme. Iň soňky gün diýme, Diýme, gerek däl. Eşidilip dur: Heniz saçyň ozalky deý sap-sary, Agarmandyr. Ýüregiňem diňe çişipdir diýmesek, Kän agyrmandyr. Iň soňky gün diýme, Ertir bor, birigün bor... Indiki hepde geler, Aýlar aljyrap, Ýyllar ýadyrgap geçer beý diýseň. Iň soňky gün diýme, Heniz iki bolup okamadyk kitaplarymyz bar. Heniz iki bolup çykylmadyk Kaplarymyz bar. Heniz iki bolup ýazylmadyk baplarymyz bar. Iň soňky gül diý, Iň soňky pul diý. Iň soňky nahar diý, Iň soňky gahar diý. Iň soňky dert diý, Iň soňky şert diý. Iň soňky sen diý, Iň soňky men diý. Ahyrky gül diý, Ahyrky Gün diýme... © Gurbanmyrat SARYÝEW | |
|
| |
| Всего комментариев: 5 | |
0
0
1
| |
