22:24 Jelaleddin Menguberdi | |
JELALEDDIN MENGUBERDI  Türkmeniň batyry, merdi, Jelaleddin Menguberdi. Hatarda güýçli bir nerdi, Jelaleddin Menguberdi. Sürünip gelende duşman, Kän sapar etdirdi puşman, Türkmen adyna berdi şan, Jelaleddin Menguberdi. «Watan ýeke-täkdir!» diýip, Gysym gumun jandan söýüp, Çykdy är eşigin geýip, Jelaleddin Menguberdi. Ilden aýry bolman derdi, Watan üçin döşün gerdi, Kän duşmanyň läşin serdi, Jelaleddin Menguberdi. «Görülenden däldir dogmy, Şeýle bor atanyň ogly» — Diýdirdi duşmana dogry, Jelaleddin Menguberdi. Müň iki ýüz ýigrimide, Soltan diýdiler ýigide. Gezdi Watany täç ede, Jelaleddin Menguberdi. Mert pederleň ýolun seçip, Görogludan kasam içip, Söweşdi serinden geçip, Jelaleddin Menguberdi. Ar getirmän pederlere, Ady doldy her ýerlere, Nusga bu günki nerlere, Jelaleddin Menguberdi. © Döwrangeldi AGALYÝEW Adalat gazeti 27.01.2023.ý | |
|
| |
| Всего комментариев: 3 | |
|
| |
