MENU
Главная » 2023 » Март » 30 » Menem satsam boljak eken
15:33
Menem satsam boljak eken
MENEM SATSAM BOLJAK EKEN

Bu nä beýle täsin düýş-kä,
Köçäň ugry doly adam,
Birisi akyl satyp ýör,
Ýene biri bulgar-badam.

Alyjydan satyjy köp,
Eden söwdaň nagt ýaly,
Sorag etdim söwdagärden,
Agam satlyk bagt barmy.

Ýylgyrdy ol, maňa garap,
Her dürli bar haýsy gerek?,
Ynsaplysy, wepalysy,
Beýlekisi batyr ýürek.

Baha näçe, oňşuklymy,
Onsaň näden ynsaplysy?,
Açygy bar ýapygy bar,
Maňa geregi gaplysy.

Gözden gaýyp boldy birden,
Düýşe erk edip bolýamy,
Gyzyklydy maňa ýene,
Bärde nämeleň bolýany.

Köçäň ugry doly adam,
Bazar göçüp gelen ýaly,
Alňasaýar satyjylar,
Käşgä gaçyp gelen ýaly.

Men-menligi satýar biri,
Satylyp dur adamkärlik,
Alyjy az iki ýeke,
Satyjylar edýär känlik.

Geň däl eken utanmasaň,
Gorkaklyk satyp dur şir-em
Menem satsam boljak eken,
Artyk umytlarmyň birin...

Çeşmesi: https://dostluk.ru/mowzuk.php?id=12224. 30.03.2023ý.
Категория: Goşgular | Просмотров: 98 | Добавил: Bagabat | Теги: Baýram Bejidow | Рейтинг: 4.5/4
Всего комментариев: 1
avatar
0
1 Балканов • 21:36, 10.05.2023
Artyk umytlarmyň birin...
Artyk dileglermiň (arzuwlarmyň) birin...

Elindäki baryna şükür kylyp, oňňyt edýän adam iň bagtly adamdyr. Bagtly bolmak üçin isleg-şöwketleriň jylawyny çekip durmaly, käbiriniň bolsa öňüne böwet basmaly.
Ynsanyň ähli baýlygy--onuň umytlarydyr. Umytlar kütelende ynsan oglunyň ýaşaýşa höwesi gaçýar, aram-aram umytlarymyzy oýaryp, olary kuwwatlandyryp durmaly.
Minnetdar
Войдите:
avatar

© Türkmen Edebiýaty 2025

uCoz