MENU
Главная » 2022 » Декабрь » 21 » Saňa sorag
12:44
Saňa sorag
SAŇA SORAG

Öz kiçijik aýnamyza,
Köpden bäri bakamok.
Könelipdir.
Bäh, aýna-da garraýýan eken.
Çyzyk-çyzyk maňlaýy,
Çyzyk-çyzyk durşuna.
Besse-besse tegmil-menek oň ýüzi...
Dogrusy,
Öýkeledim men ondan.

Köpden bäri ýabymyza,
Suw gelenok lummurdap.
Paýapylda suw peri deý,
Oturardym aýak sokup.
Bäh, suwam garraýýan eken.
Dup-dury däl, öňki ýaly gözleri,
Dup-dury däl owazy...
Dogrymy aýtsam, ýabymyza,
Men getiremok-da suwy.
Sebäp,
Öýkeledim men ondan.

Guratdym suwuň hanasyn,
Owratdym öýüň aýnasyn.
Sebäp,
Bilýän, olarda görünýänimi,
....Ýogsa-da,
Seň owadan gözleňde-de,
Men betnyşan görünýänmi?!
Категория: Goşgular | Просмотров: 78 | Добавил: Bagabat | Теги: Laçyn Pürjäýewa | Рейтинг: 5.0/3
Всего комментариев: 2
avatar
0
1 Мango • 13:55, 21.12.2022
aýnadaky, suwdaky, gözlerdäki otraženiýa....
aýna bakyp aýnany döwýän, köpride (paýapylda) suwa bakyp öýkesinden ýaby guradýan opasnyý gyz.
"seň owadan gözleňde men nähili görünýän" diýen soraga göwni isleýän jogaby beräýmeseň, nähili boljagyň belli däl. :-)
===
hem goşgy, hem hekaýa okan ýaly boldum.
gaty GOW!
ýazana-da ýetirene-de minnetdar.
avatar
0
2 Мango • 13:59, 21.12.2022
Guratdym suwuň hanasyn,
Owratdym öýüň aýnasyn,
Gögertdim onuň gözlerin.
Sebäp,
Öýkeledim olardan.
Войдите:
avatar

© Türkmen Edebiýaty 2025

uCoz