07:43 Sen we men | |
|
Sen we men Jübütlidir çarh hem pelek, Biri sensiň, bir-de men. Bir maksatly goşa ýürek – Biri sensiň, biri-de men. Durmuş – umman, biz onda sal, Bir-birege ynam hem hal, Sagat göwre, gözel ykbal – Biri sensiň, biri-de men. Nurly güneş, mawy asman, Rahat zemin, bagy-bossan, Şirin şygyr, ajap dessan – Biri sensiň, biri-de men. Ýaşan, ýaşamaly wagtyň, Ýetilen, ýetmeli bagtyň, “Ykbal” atly täç hem tagtyň – Biri sensiň, biri-de men. Söýýän bar külpete çydar. Biz – söýenşen iki çynar, Bagt ýolunda goşa çyrag – Biri sensiň, biri-de men. Dik biliň, kuwwatly dyzyň, Basylan, basmaly yzyň, Gijäniň hem-de gündiziň – Biri sensiň, biri-de men. Zeminiň depesi asman, Ýaşalmaz topragy basman, Jümleleri ýazlan kyssaň – Biri sensiň, biri-de men. Azymberdi KAKAÝEW. | |
|
| |
| Всего комментариев: 3 | |
Bir maksatly goşa ýürek –
Biri sensiň, biri-de men. "goşalaşmagam" erbet deňeşdirme däl welin men-ä "ýarly, taýly" deňeşdirmäni halaýan. goşa ýürek bolandan bir ýürek bolanyň ajap ýaly. ýagny ýarym ýürek sende, ýarym ýüregem ýaryňda... soň birleşip goşa dälde bitin ýürek bolýaň... :-) bu zatlar barada Gerta Burbe daýza gowy düşündirýär.  | |
