Name: Seni wada berdi
Item: Seni wada berdi
Author: Мango

06:29 Seni wada berdi
Çalyşsa-da dünýäň reňki, Şatlyk — köne, gaýgy — öňki. Başym alyp çykdym, çünki Ýollar seni wada berdi. Demim kä gyzyp, kä sowap, Hersinde aldy bir sogap. Türkmeniň kalbyna kybap Göller seni wada berdi. Arşda aglap, kürse gaçsam, Kalp gapymy terse açsam, Dogry bilsem, dürse gaçsam, Allar seni wada berdi. Gussa dolup dogan Aýlar, Düzler, käller, çeşme-çaýlar, Saharalar, Gimalaýlar, Niller seni wada berdi. Gursagym dar, jahan ýaly, Gursagym gar basan ýaly... Dagdan aglap akan ýaly, Siller seni wada berdi. Tolkun ýaly dyňzap duran Duýgy kalpda müň hal gurar... Didelerňe meňzäp duran Köller seni wada berdi. Görmedigmi Görmüş olan, Almadygmy Bermiş olan Hem “Hak” diýip derwüş olan “Iller” seni wada berdi. © Sapa HOMMADOW
1 2 3 4 5 Категория: Goşgular \| Просмотров: 102 \| Добавил: Pegas \| Теги: Sapa Hommadow \| Рейтинг: 5.0/4

Всего комментариев: 2
Порядок вывода комментариев: 1 1 Мango • 09:17, 04.11.2023 Sapa kaka. wada berýänler-ä kän eken. wada berlenem ýekedir. osoň kim wadasynda tapylarka? *** Hem “Hak” diýip derwüş olan “Iller” seni wada berdi. derwüş bolan illere-de düşünip bilmedim. goşa dyrnaga hem alypsyň welin başga manysy bolmaly. 0 2 Pegas • 15:57, 04.11.2023 Derwüşlige gol ýapan adamlary özbaşlaryna bir “il” diýip atlandyrjak boldum welin, göwnejaý atlandyryp bilmedim ýaly.