23:35 Soñky gezek | |
 SOŇKY GEZEK Ruhuňy kölgelär bir damja ünji Bir damja gam çykar gider seriňden. Soňky gezek ähli sözler dymýardy. Soňky gezek galdym duran ýerimde. Hyýallar deňizde urýarka perwaz Ykbalyňda, ynha, ýönekeý biri. Ol okalýan goşgy, ol çalynýan saz Ýadyma salmady ýagty ertiri. Bir ikindi kölgelände güneşi, Saňa soňky gezek seretjek boldum. Dogrularym göz astyna alyndy, Ýalňyşlary özüm döretjek boldum. Hem eretjek boldum iň soňky gezek, Gözlerimde doňup galan geçmişi. Darajyk ýollara, giň meýdanlara Sygdyryp bolmaýar ähli etmişi. Ýöne soňky gezek saklajak boldum Bir mahalky ýylgyryşlaň yssysyn. Bu köne aýdymlar, bu köne sözler Ýazyp bilmeýärler duýgyň kyssasyn. 2015 © Seýran OTUZOW | |
|
| |
| Всего комментариев: 0 | |