MENU
Главная » 2023 » Октябрь » 17 » Şu gün size gül goýjakdym...
08:30
Şu gün size gül goýjakdym...

Şu gün size gül goýjakdym...
G.Ezizowa

Güle dahylsyza gül uzatmalyň!
Gül bereliň, bize gül ekdirene.
Ähli zatdan sowan wagty elimiz,
Pyşyrdap, pyşyrdap, «Gül ek!» diýene.

Güli ýapynsa-da el uzatmalyň,
Tiken urmaz kalpda guýy gazany.
Ähli zatdan sowan wagty elimiz,
Ruhuň ýeňin çyzgap, şygyr ýazany...

© Aýgül GARAÝEWA
Категория: Goşgular | Просмотров: 152 | Добавил: aygull | Теги: Aýgül Garaýewa | Рейтинг: 5.0/4
Всего комментариев: 8
avatar
0
1 Мango • 10:48, 17.10.2023
şu aşaky setirlere nähili düşündiňiz?

Güli ýapynsa-da el uzatmalyň,
Tiken urmaz kalpda guýy gazany.
avatar
0
2 Myhman1185 • 11:18, 17.10.2023
Biz kiçikäk aýdylyan bir rowayat bardy: biri M.Köseden sorapdyrmyş "Aý, halypa Magtymgulyñ şu setirine düşünmedim welin, näme diyjek bolduka".
M.Köse: "Sen yene yagşy ekeniñ, bir setirine düşünmänsiñ, men hiç setirine düşünemok" diýenmiş.

Mango akga sen yene yagşy ekeniñ :-)
avatar
0
3 aygull • 12:06, 17.10.2023
Mazaryna gül bitenem bolsa arsssalamalyň, barybir gül ony ynjytmaz diýjek boldum,Mango daýy.

Şu günki howa täsir etdi-de, paýlaşaýdym. Kem ýerleri bardyr başga-da.
avatar
0
4 Мango • 12:22, 17.10.2023
"kalpda guýy gazmagam" gyzykly gördüm.
çölleşen kalbymyzda guýy gazmak ýaly...
suwa mätäç kalbymyz ýaly...
avatar
0
5 aygull • 12:30, 17.10.2023
Olam ýazan şygyrlarynyň sogabyny aňlatjak bolşum. Bu goşgym, uludan alnan dem ýaly bolup, bir minutda ýazylaýypdy. Soň oňarjagam bolmandym.
avatar
0
6 Medicall • 13:34, 17.10.2023
Ýazypdur, ýetiripdur, Aýgül, dogry aýdýañ, güli güle mynasyba bereli, mynasyp däle uzadyp güli aglatmalyñ, harlamalyñ diýýäñ-da:

Gül beriñ gözellere,
Gül gadryn bilenlere!

Aýgül, bu güller saňa:
avatar
0
7 Myhman1185 • 13:41, 17.10.2023
Gül, aglama, gül maña,
Ile diken, gül maña,
Güli bolanyñ ýüzünde,
Güller açar, gül maña!
avatar
0
8 aygull • 18:33, 17.10.2023
Sag bol,Nurdan. Güle mynasyp göreniňe.
Войдите:
avatar

© Türkmen Edebiýaty 2025

uCoz