MENU
Главная » 2023 » Февраль » 7 » Türkmenistanyň Halk Maslahatynyň Başlygy Türkiýede we Siriýada bolan ýertitreme zerarly gynanç bildirdi
22:53
Türkmenistanyň Halk Maslahatynyň Başlygy Türkiýede we Siriýada bolan ýertitreme zerarly gynanç bildirdi
Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow Türkiýe Respublikasynyň Prezidenti Rejep Taýyp Ärdogana we Siriýa Arap Respublikasynyň Prezidenti Başar Al-Asada Türkiýäniň günorta-gündogar, Siriýanyň demirgazyk-günbatar sebitinde bolup geçen, köp sanly adam pidalaryna we şikes ýetmelerine hem-de giň möçberli weýrançylyklara getiren güýçli ýertitreme zerarly gynanç hatlaryny iberdi. Bu barada «Watan» habarlar gepleşiginde habar berildi.

Türkmen halkynyň Milli Lideri Gurbanguly Berdimuhamedow şu agyr pursatda Türkmenistanyň Halk Maslahatynyň adyndan, şeýle-de hut öz adyndan, gurban bolanlaryň dogan-garyndaşlaryna hem-de ýakynlaryna ýürekden gynanjyny we medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.

Ozal habar berşimiz ýaly, türk teleýaýlymlarynda ýertitremäniň 7,7 bala deň bolandygy, onuň netijesinde 1651 adamyň ýogalandygy, 11 müň 119 adamyň bolsa ýaralanandygy, 3 müň 471 binanyň ýumrulandygy, 1 hepdelik milli ýas günleriniň yglan edilendigi barada maglumat berilýär.

Atawatan-Türkmenistan.com
Просмотров: 72 | Добавил: Medicall | Рейтинг: 0.0/0
Всего комментариев: 1
avatar
0
1 Medicall • 23:13, 07.02.2023
Ýertitreme zerarly ejir çekenlere kömek toparyny we zerur bolan önümleri daşaýan uçar sişenbe güni irden Aşgabatdan Türkiýä ugrady. Bu barada Türkiýäniň Türkmenistandaky Adatdan daşary we Doly ygtyýarly Ilçisi Togan Oral "Twitter" sahypasynda habar berdi.

Uçar Türkmenistanyň Ministrler Kabinetiniň Başlygynyň orunbasary Nurmuhammet Amannepesow bilen Türkiýäniň Türkmenistandaky ilçisi Togan Oralyň gatnaşmagynda ugradyldy.

Türkmenistanyň Prezidenti Serdar Berdimuhamedow we Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow Türkiýäniň we Siriýanyň Prezidentlerine iki ýurtda bolup geçen köp sanly adam pidalaryna, şikes ýetmelerine we giň möçberli weýrançylyklara getiren güýçli ýertitreme zerarly duşenbe güni gynanç hatlaryny iberdiler.

Türkiýäniň betbagtçylyklar we adatdan daşary ýagdaýlar boýunça dolandyryş edarasynyň (AFAD) sişenbe güni irden ýaýradan metbugat beýanatyna bellenilişi ýaly, ýertitreme zerarly Türkiýäniň on welaýatynda 2921 adam wepat boldy.

Amerikanyň geologiýa gözleg gullugy duşenbe güni emele gelen ýer titremäniň 7,8 bala deň bolandygyny ölçedi. Geologiýa gözleg gullugy ýer titremäniň Gaziantepden 33 kilometrlikde dörändigini aýtdy. AFAD-yň habar bermegine görä, duşenbe güni irdenden bäri jemi 243 sany ýertitreme bolup geçdi.

Şeýle hem duşenbe gününiň ikinji ýarymynda Türkiýäniň günorta-gündogarynda 7,6 bala deň bolan ikinji güýçli ýer titreme hadysasy bolup geçdi.

Köp ýurtlar Türkiýä kömek, şol sanda derman serişdelerini, gözleg toparlaryny we maliýe serişdelerini ugratmagy teklip etdiler.

BIZNES TÜRKMENISTAN
11:2107.02.2023
Войдите:
avatar

© Türkmen Edebiýaty 2025

uCoz