MENU
Главная » 2023 » Ноябрь » 28 » Ýöne men uklap bilmedim
22:55
Ýöne men uklap bilmedim

ÝÖNE MEN UKLAP BILMEDIM

Aý asmandan jyklar boldy,
Guşlar birçak uklar boldy,
Duýgularym uklan boldy,
Ýöne men uklap bilmedim.

Kalbymdaky daglar, daglar!
Süýşüberdi bäri daglar,
Hüwdüledi ýaşyl baglar,
Ýöne men uklap bilmedim.

Gör, kim häzir baka gitdi,
Ýürek elden, wah, kä gitdi,
"Perişdelem" uka gitdi,
Ýöne men uklap bilmedim.

Süzülip dur garagymam,
Ýumşag-a meň gazabymam,
Uka gitdi galamymam,
Ýöne men uklap bilmedim.

Ah, kim ynjar ýöne ýere?!
Gorky-ürki dolmuş sere,
Gije başyn goýdy Ýere,
Ýöne men uklap bilmedim.

© Ogultäç ORAZTAGANOWA
Категория: Goşgular | Просмотров: 159 | Добавил: Medicall | Теги: Ogultäç Oraztaganowa | Рейтинг: 5.0/2
Всего комментариев: 1
avatar
0
1 Arzuw_Umydow • 07:32, 29.11.2023
3-nji we 4-nji bentlerdäki aýdyljak bolnan zatlar kapyýa gurbany bolupdyr. Ähli uklan zatlar suratlandyrylýarka özüniñ uklamandygy belli, şonuñ sebäbi anyk açylmadyk ýaly

© Türkmen Edebiýaty 2025

uCoz