MENU
Главная » 2023 » Декабрь » 26 » «Ýüregňi gyýmasyn inçejik gussa...»
09:59
«Ýüregňi gyýmasyn inçejik gussa...»

Şowhunly öýleler boldy ikindi,
Biz birek-birege keseki, ýa:tdyk.
Geýilmän taşlanan köýnek deý inni,
Sen meniň kalbyma bereňok şatlyk.

Ýüregňi gyýmasyn inçejik gussa,
Nämä gerek bir-biregi örtemek?!
Käte kalbyň sojap, ýüregiň gyssa,
Şatlan, öz janyňу ýakanňa derek!

Ýatlamalar bermez sonsuz şatlygy,
Gaýta olar seni irizer basym.
Sen maňa bagty däl, hem betbagtlygy
Bereniň üçinem Taňryýalkasyn!

Ýaşa, ömür iki gezek ýaşalmaz,
Şat bol, gaýgy-gussa göwne kerepdir.
Ah bagtly bolmagy kimler başarmaz,
Bagtsyzlyga welin, gaýrat gerekdir...

© Goçmyrat ORAZBERDIÝEW
Категория: Goşgular | Просмотров: 122 | Добавил: Katalizator | Теги: Goçmyrat Orazberdiýew | Рейтинг: 5.0/1
Всего комментариев: 6
avatar
0
1 Katalizator • 09:59, 26.12.2023
Goşgynyň adyny bilmedim. Bilseňiz belläp geçäýiň.
avatar
0
2 Ýaran_Ýagmyr_99 • 10:19, 26.12.2023
"Bagtsyzlygy kimler başarmaz, bagtlylyga gaýrat gerek" diýen pelsepe hem bar.

Ýöne pelsepe ruhy ahwalatyňa baglylykda üýtgäp durýan bolmaly-da.

Şu wagt liriki gahryman üçin , elbetde, özüniňki dogrudyr
avatar
0
3 Мango • 01:39, 27.12.2023
şujaşşa setir, pikir gyzyklydan jedelli:

Ah bagtly bolmagy kimler başarmaz,
Bagtsyzlyga welin, gaýrat gerekdir...

bagtly bolmagy her kes başaraduron bolsa, o zaman neden adamlar bagtsyzlykda galsyn?
ýöne bagtla-da, bagtsyza-da Allah gaýrat bersin diýägoýaly.

Goç däde gouja ýazagan.
bu goşgam gouja.
özi bamaý şörde şoň, heý bilýen bamy?
avatar
0
4 Мango • 01:42, 27.12.2023
Käte kalbyň sojap, ýüregiň gyssa,
Şatlan, öz janyňу ýakanňa derek!

ýokarky setirem öňem bir şaheleýiň "adamlar çörek iýmesin, tort iýsin" diýişini ýatlatdy.

– ýüregiň gyssa - ŞATLAN!
– bolýa. ýöne nädip?
avatar
0
5 Ýaran_Ýagmyr_99 • 02:07, 27.12.2023
Goşga sözüm ýok, goşguda näme diýseň bolar. Belki şahyrana hakykatdyr.

Ýöne bagtsyz bolmagyň iň aňsat zatdygyna, hut bagtly bolmakda işiň bardygyna kim ynanmaýan bolsa, durmuşyň özi oňa kemsiz ynandyrar iň soňunda.

Özem bagt diýlende hökman maddy nygmatlar ýa-da sosial dereje ýaly zatlar göz öňünde tutulmak däldänim, esasan ruhy ýagdaýyň barada gürrüň gidýär.
avatar
0
6 Балканов • 00:58, 24.03.2024
Örän aýdyň beýan edilen duýgy!
Войдите:
avatar

© Türkmen Edebiýaty 2025

uCoz