20:50 Gülki. 22-nji onluk | |
 GÜLKI. 22-nji ONLUK "Adamyň bedeni 25 ýaşa çenli ösýär" diýýäler welin, bu garyn bilen syrtyň ol zatlardan habary ýokmyka?! *** Adamlaryň biri-birini ýitirmekden gorkýan ýerleri hem bar eken. Ýagny, nobata duranlarynda. *** -Öýlenseň gowumy ata? -Gowudyr agtyjagym, öýleneňsoň gelniň derdiňi böleşer. -Ýöne meň derdim ýog-a ata?! -Alada etme öýleneňsoň o-da bolar. *** Bir adam iki sagat diýen ýaly gygyryp, maşynly köçeme-köçe aýlanyp ýören eken: -Gawun bar, gawun... Çatrykda otyran bir oglanam: -Agam, gawun satýaňmy? Ýaňky içi ýanan: -Ýok, bu gün diňe gygyrýan, ertir satýan... *** Avon firmasynyň 10 ýaş kiçeltýän kremini çalan Leýlajyk, ýitirim boldy. *** - Çary näme üçin soňky wagtda aýdym aýtmaňy goýaýdyň? - Öňräk bir tanymal aýdymçy bilen gürrüňdeş boldum. Ol meniň aýdym aýdyşymy diňlän eken, "Seniň oňat sesiň bar, ony aýawly sakla" diýdi. *** "Hormatly Aýaz baba, men dünýä belli bolasym gelýär diýip ýazanymda "halkara gözlegde" bolmak barada asla pikir etmändim." *** Mugallym tagta "2x+4y*84+17xy" ýazyp, "meseläni çözüň" diýdi. Menem elime esgini alyp süpürdim, mesele çözüldi. *** Gowy buhgalter tapmak kyn. Şonuň üçinem öňki buhgalterimizi polisiýa eýýam bäş ýyl bäri gözläp ýör. *** - Günä bildirýän, siz näme üçin banky taladyňyz? - Oň özi ilki başlady. Toplan: @ATSYZATLY | |
|
| |
| Ähli teswirler: 4 | |
|
| |
