Name: "Maryda nany ýatyp iýýärler..."
Item: "Maryda nany ýatyp iýýärler..."
Author: Мango

Baş sahypa » » "Maryda nany ýatyp iýýärler..."

12:09 "Maryda nany ýatyp iýýärler..."
"MARYDA NANY ÝATYP IÝÝÄRLER..." Köne döwürlerde biri: "Maryda nany ýatyp iýýärler" diýip eşidipdir. Onsoň Ahaldan Mara baryp, ol ýerde uly bir baýa talaban durupdyr. Baýyň nökerleri ýaňkyny birinji günden başlap, daňyň düýbi çyzylyp çyzylmanka, ony silterläp oýarypdyrlar: "Tur-how! Tur, hany, il eýýam aýak üstünde, senem, dişiň kirini aç-da, işe başla!" Ol gözüni açalak-ýumalak edip, aýak üstüne galypdyr. Şol gün ony tä ýassyna çenli işledipdirler. Oňa dem salym bilini ýazmaga-da maý bermändirler. Günüň güni daň atandan gün batýança depesinden gum sowrup işlänsoň, ýaňky talaban agşamyna gelip, çaý-çörek iýjek bolanda teý dik oturyp iýmäge ýaranok diýýä. Biline urlan ýaly eplenip ýatsa nädersiň! Onsoň ol ýatan ýerinde bir döwüm çöregi zordan çeýneýärmiş, soňam çeýnänjesini ýuwudyp bilmän, agzy çörekli uklap galýar diýýä... Şol onsoň aýdanmyş: "Bä-äý, Maryda nany ýatyp iýýäler sözi-hä mundan gelip çykdow!..." diýip.
1 2 3 4 5 Bölümler: Degişmeler \| Görülen: 131 \| Mowzugy paýlaşan: Atsyzatly \| Рейтинг: 5.0/5

Похожие материалы

Awtoryň başga makalalary

Ähli teswirler: 4
Порядок вывода комментариев: 0 1 Мango • 17:18, 13.12.2023 bir marylyň gürrüňi: – gaty görmäň welin men size bir zat aýtjak. siz aşgabatlylar nähilaý? hepdäň soňy gelýär welin "odduh gün" diýip öýläne çenli ýeriňizden galman ýatýaňyz. biz-ä o güne ýetsek begenýäs. bazar güni uzakly günümizi bazarda gazanç edip geçirýäs. siz bolsa "odduh" diýýäňiz.... o gün odduh däl bazar, BAZAR! 0 2 Ýaran_Ýagmyr_99 • 20:33, 13.12.2023 Başga-da bir rowaýat bar. Bir hammal gününden zeýrenip "Işlemän ýatsaň, çöregi üstüňe getirip berseler" diýip dileg edipdir. Hudaý dilegini eşidipdir. Nökerler ýalňyşlykda ony tutup zyndana atypdyrlar. Birnäçe gün maşgalasyndan aýry, zyndanda ýatypdyr. Çöregi welin üstüne getirip berýäemişler. Şeýdip, toba edip öňki gününi arzuwlapdyr. Boşadylandan soň gaýdyp beýle dileg etmändir. 0 3 Ýaran_Ýagmyr_99 • 20:51, 13.12.2023 Garry enem çagakam bir rowaýat aýdyp beripdi. Dogrusy bu užas rowaýat maňa ýaramandy. Bir ýaş ýigit "Bir ýerde gonamçylyksyz oba barmyş" diýip eşidensoň, gelnini hem alyp, şol ýere göçüp barypdyr. Ol bu ýerde ölümsiz ýaşalýandyr öýdüpdir. Gelni ikisi baryp, ol ýerde ýurt tutunyp, öý dikipdirler. Obanyň adamlary töwerekde üýşüp, seredişip duranmyşlar. Öý dikensoňlar halys ýadan gelni bir çuwalyň üstüne özüni goýberip, "Waý, öldüm-eý" diýip gygyrypdyr ("Ýadawlykdan ölýärin" manyda). Onda obanyň adamlary "Ýok, bu beýle ölmesin, halallamak gerek!" diýip, çozup gelip, gelniň damagyny çalypdyrlar. Ol adamhorlaryň obasy eken, mazarystanlyk hem şonuň üçin ýok eken. Enem muny "Adam bolan ýerde hökman ölümem bolar, mazaram bolar" manyda aýdan bolmaly. Men bolsam gorkuzmak üçin aýdylanmyka öýtdüm. . 0 4 Kyyas • 22:17, 13.12.2023 Biri ýatyp iýilýän ýer gözläp ahyr çykalgasyny tapypdyr. Krowadyñ aşagy.

запомнить
Забыл пароль \| Регистрация

E-mail:
Пароль: