10:24 Men oba gideýin | |
| MEN OBA GIDEÝIN Men oba gideýin,menziller aşyp, Aýagyma sürtüp ýollañ çañlaryn. Ýogsa çagalygym,dodak kemşerdip, Oturandyr aşagynda dalbaryñ. Ol meniñ geljegmi bilýändir hökman, Hem gorkusy bardyr gelmezligimden. Märekäñ içinde azaşman,ýitmän, Şäheriñ gujagna ýerlemegimden. Dessanlañ gatyndan çykan hüýr kimin, Gysganyp paýtagtyñ gözellerinden. Ýasama gözýaşly,ýalan gülküli, Gorkýandyr, Bir ýigde öwrülmegimden. Bilýänem däldir ol,öz arzuwlarny, Mawy ýaglykly gyz talap gidenin. Isleýändir diñe basym gelermi, Arzuwlarym bolsa özgerdi meniñ. Garaşyber,garaşyber gelerme, Men hökman bararyn irde ýa giçde. Ýöne,düşün,gelmez öýdüp gorkma-da, Dünýe seniñ arzuwlarña meñzeş däl. Ah,erteki bilen beýnisi bekän, Ynanýañ sen ynanmasyz zada-da. Ullakan bir gämiñ kapitanykañ, Sada-da... Tirkişmyrat NURÝAGDYÝEW. Esger gazeti,2022-nji ýylyñ 20-nji oktýabry. | |
|
| |
| Ähli teswirler: 0 | |