22:48 Neneň söýmäýin | |
| NENEŇ SÖÝMÄÝIN Derde duçar bolup juwan çagymda, Gözel keşbiň ýer edipdi aňymda, Ýaprak saralanda, seýil bagynda Garaşypdym ortasynda öýläniň, Aýtsana, men seni neneň söýmäýin?! Nesibe - ýigrimä ýetipdir salym, Yşk başa düşüpdir neneňdir zalym, Arzyly arzuwym, ajap hyýalym Aşagynda görmek elwan öýmäniň, Aýtsana, men seni neneň söýmäýin?! Gyşam bar, bu ömür bahar däl, ýaz däl, Gussa görünip dur, aýdym däl, saz däl, Ykbalyň ýakany ozalam az däl, Gel, indi bir yşk oduna köýmäýin, Aýtsana, men seni neneň söýmäýin?! Ýyllar serimize salyp allaryn, Bu ömür geçip dur, baky galmaryn, Depesine çykyp beýik daglaryň, Gygyrmak isleýän: " Seni söýýärin!" Aýtsana, men seni neneň söýmäýin?! Ilmyrat BABAÝEW | |
|
| |
| Ähli teswirler: 1 | |
|
| |
