10:40 Türkmenistanly tennisçi gyzjagazyň üstünligi | |
TÜRKMENISTANLY TENNISÇI GYZJAGAZ TÜRKIÝEDE ULY ÜSTÜNLIGE ÝETDI  Türkmenistanly gyzjagaz Türkiýede geçen tennis bäsleşiginde uly üstünlik gazandy. 10 ýaşa çenli bolan çagalaryň ýaryşy Izmirde guraldy. Oňa çagalygyna garamazdan, zehinini tennise gönükdiren ýaşlaryň 34-si gatnaşdy. Bu ýaryşda zehinini synan türkmenistanly gyzjagaz Sülgün Işangulyýewanyň hem bary-ýogy 9 ýaşyndadygyny bellemelidiris. Ýaryşyň tapgyrlarynyň ählisinde Türkiýäniň sebitlerinden gelen çagalary ýeňmegiň hötdesinden gelen Sülgün finalda hem ýerli gyzjagaz Sahra Nehiz Temizden üstün çykdy. Bu duşuşykda 4:2, 4:1 hasaby bellige alyndy. Şeýlelikde, 9 ýaşly ildeşimiz bu ýaryşyň çempiony boldy. 3,5 ýaşyndan bäri tennis bilen meşgullanýan gyzjagaz häzir ýurdumyzyň birinji raketkasy Ýuriý Rogusskiniň ýolbaşçylygynda türgenleşýär. Çeşmesi: https://salamnews.tm/section/sport/tennis/turkmenistanly-tennisci-gyzjagaz-turkiyede-uly-ustunlige-yetdi-3c46cd. 07.12.2022ý. | |
|
| |
| Ähli teswirler: 4 | |
|
| |
