13:28 Ýalkap ýoldaşyma ýeňiljek ýatlama | |
 Ýalkap ýoldaşyma ýeňiljek ýatlama Ýadyňdamy, ýazmaga ýaýdanypdyň?! Ýaýdanma Ýalkap, ýazyber! Ýazsaň ýalňyşmarsyň, ýazmasaň ýalňyşarsyň. Ýene-de, ýazýanyň ýagdaýy ýazmaýanyňkydan ýagşyrakdyr. Ýaýdanma, ýaz! Ýazan ýazgylaryň ýagyş ýaly ýaýlalara ýaýrar. Ýady ýakyna, ýamany ýagşa ýetirer. Ýaradanyň ýardamy ýazmakdan ýetsin! Ýazanlaryňy ýitirme, ýazgy ýazylan ýapraklary ýemşertme, ýerliksiz ýere ýyrtma. Ýazsaň ýadyň ýiteler, ýazmasaň ýadyň ýiter. Ýady ýitireniňden ýiteldeniň ýagşydyr. Ýadasaň, ýaýdansaň ýazgy ýazdyrmaz. Ýadasaň ýazgylaryňa ýüzüňi ýelpe. Ýaltalyk ýazyja ýylan ýaly ýapyşýandyr. Ýazsaň ýagşylyklar ýel ýaly ýetişer. Ýatladýan: ýazgyda ýalňyşaýsaň, ýyrtma-da, ýitirme-de, ýagşy ýerde ýygşyraýgyn. Ýogsa-da, ýazgy ýitmez ýaly, ýeňsesine ýarlyk ýelimläý. Ýalňyşmaz ýigit ýok, ýagsyzam—ýanlyk. Ýalňyşlar ýatlamaga ýa-da ýaňadandan ýalňyşmaz ýaly ýardama ýarar. Ýaman ýazyjylar ýazan ýazgylaryny ýa ýitirer, ýa-da ýyrtar. Ýene ýatladýan, ýazýanyň ýüregem ýaz ýalydyr. Ýoldaşlarynyň-ýaranlarynyň, ýat-ýakynyň, ýaş-ýeleňleriň ýanynda, ýeňňeleriniň ýanynda-da ýazmaýandan ýüzlüdir. Ýörelgäni ýitirmäli. Ýeňişlere ýeteli. Ýeňişler ýaşaýşyň ýagty ýörelgesidir. Ýaşamyzda ýeňip ýaşaly. Ýazmak ýeňil-ýelpaý ýalydyr ýaly, ýöne ýazyjylyk ýöne ýerden ýetenok, ýerde ýaýrabam ýatanok. Ýadymdaka ýatlasam, —ýakynlaryňy ýatlabam ýazgyn. Ýakynlaryňy ýatlamak—Ýaradana ýakynlaşmakdyr.  ©Baýramgeldi Berdiýew 22.02.2022 ý. | |
|
| |
| Ähli teswirler: 0 | |