Birinji gezek okamda bylo prikolno, yone awtor kän öz-özüni gaytalasa, dogrusy, halamok. Üstesine-de, ulanylyan garyşyk şäher yarymors köçe dili hiç sistema düzülip gidibermedi. Onsoň mydama şo şo bir tekstiň kan bir tapawutlanmayan wariasiyalaryny okayan yaly bolyaň, olam nadoyedayet.

Bir sistema düzülmedi diyemde, aydaly, Di Bi Si Pier atly biriniň "Вернон Господи Литтл" romanyndaky yaly powestwowaniyany göz öňüne tutyan

"Aňasty aň" - hiç hili many bermeýän söz tirkeşigi. Absurd.

Eger bu ýerde psihoanalizdäki (ýagny froýdizmdäki) "подсознание" diýilýän zat göz öňünde tutulýan bolsa, onda şol zadyň "aňa", ýagny "сознание" diýen zada antogonistik (gapma-garşy) zatdygyny, sebäbi aňlanylmaýan zatdygyny ýatlalyň. Onda ol nädip "aň" bolýar? Düşnüksiz.

Diýmek, ikiden biri:

1) Awtor "aňasty" (birinji söz) sözündäki "aň" diýeninde beýleki dillerdäki "сознание" diýen zady, ikinji, ýagny "aň" diýeninde beýleki dillerdäki "психика" diýilýän zady göz öňünde tutýan bolmagy mümkin. Ýagny "aňasty psihika", "psihikanyň aňasty bölegi" diýjek bolýan bolmagy mümkin.

Emma "psihika" bilen "aň" aýny bir zatlar bolsa, ýagny psihika diňe aňdan ybarat bolsa (Nuh eýýamyndaky Dekartyň garaýşy), onda "aňasty" ( "подсознание") diýen ýaly soňraky çykan düşünjeler hakda gürrüň edip oturasy iş ýok ahyry.

2) Awtor "aňasty", ýagny "подсознание" diýen zadyň asla nämedigini bilmän, bu sözi ulanan bolmagy mümkin.

Aňlanylmaýan (подсознательный, бессознательный, неосознанный we ş.m.) zatlar nädip aň bolýar? Olar psihikanyň aňdan daşardaky sferalary ahyryn.

Ajaýyp bolmasa-da döredijilik gurşawynda ýaşamana hak edýän žanr. Bu ugurda dowamly gazyberseň iru-giç içi altyn-kümüşden doly humy tapsaň taparsyňam, elbetde kimdir biri ony öň şol ýerde gömen bolsa. :)
Men adamlary biologiki, psihologiki, sosial ýa-da teologiki (bilemok ýene birnäçe ugry bolup biler), diýen ýaly aýratyn pudaklara bölüp, olary şol pudagyň prizmasynyň astyndan seredip netije çykarmana çalyşylmagyna garşy. Adam bir bitin beden ony bir bitewi zat hökmünde düşünmäne çalyşmaly. Dini, psihiki ýa-da organizm hökmünde aýratyn edip alman. Adam bir tarapdan gaty düşnükgil, beýleki tarapdanam gaty düşnüksiz nerse. Şoň üçinem ony düşünmek ýa-da düşündirmäne çalyşmak düşnükli düşnüksizligi düşünmäne ýa-da düşündirmäne çalyşmak ýaly bir zat bolýar.

Ýagmyr aga, gelenňize begendim. "Täze ýyldan soň kim bilýär, ýagyş-ýagmyr bolup ýagaryn" diýip, "barja neminem alyp gitdi" diýip otyrdym.

Podsaznaniýa sözüne google daýy şeýle düşündiriş berýär:
Подсознание – восприятие информации моментально и безгранично по количеству восприятия информации. Подсознание хранит информацию, начиная с вашего младенческого возраста, и впитывает в себя «как губка» все, что происходит. Ваши мысленные привычки – это именно те программы, которые когда-то были внесены в ваш ум.

Ýa-da şeýle:
Словарь русского языка Ожегова:
1) область неясных, не вполне осознанных мыслей, чувств, представлений

Indi podsoznaniýa sözüniň belki, eýýäm türkmençe terjimesi bar bolsa bardyram bilýän bolsaňyz aýtsaňyz awtor üçinem peýdaly bolardy. Resmi terjimesi ýok bolsa, siz şol sözüň ýerine haýsy sözi ulanardyňyz?! Sebäp, men birki ýerde "aňasty aň" diýen kelemä duşupdym öýdýän.

anima we animus.
her erkekde kiçijek bölek aýallyk gizli - bu anima
her aýalda kiçijek bir erkeklik gizli - bu animus
(gizli ýa-da bar)
erkegiň näziklik etmegi we aýalyň gödeklik etmegi....
umuman, şuňa meňzeş.... anima we animus...
galanynam darakdişden soraň.

Eljeren diýip bu post ýatdan çykypdyr (Edil smsleri okaldy edip, soň jogaplaryn diýip, ýadymdan çykyp galyşy ýaly...)

"Bessoznatelnoýe" diýip ýazylany soň üýtgedip, "aňasty aň" diýip alypdyryn. Sebäp, menem türkmençede bir-iki ýerde şeýle terjime edilenine gabat geldim (özüm toçno terjime bilen ylalaşmasam hem).

1.
we
2.
-ňiziň hiçisiniňem bu ýere dahyly ýok ýaly bolup dur.

Öňem bir ýaş hünärmen psihologdan soraýarlar işde:
- Pylany, "psihologiýa" diýmek näme? Umuman, "psihika" näme? - diýse, ýaňky jogap berýär:
- Aň - diýip...

Psihika sözüniň özi grekçe "ruh" (душа) diýmekdi welin... Ýaşlar-da... Diňe terjimesinde error berip dur.

Ýöne şol "Bessoznatelnoýeni" göwnejaý bir söz bilen aýdylanyna gabat gelmedim heniz-ä (öz elýeterimdäki bolanja maglumatlarda.. meselem internet we özümdäki bolanja kitaplar). Gidip dörünip, gözledim diýsem ýalançy...

"Bir el galdyryp goýber, mollam" diýişleri ýaly, bir makul söz tapyp berseňiz-ä, uly kömek boljak. Haçandan bäri kellämden çykanok özi şo sözüň türkmençe stiliniň nähili bolýandygy...

Surat üçinem sagboluň kim goýan bolsa. Çakym çak bolsa, Mango goýupdyr. Teswiri bilen gabat gelýär surat. Imenno Anima we Animusly surat.
Her dürli surat skrepkaladym Gugadan welin, bu ýere steplerläp bilmeseň, ne peýda...

Gyzykly disskussiýaň başy boljak bu teswirem. (Kak wsegda)

Aňasty aň - aňyň gatnaşmazyndan we onda galmazdan ruhy dünýäde bolup geçýän hemme ahwalatlary bellemek üçin ulanylýan düşünjedir.

Saglyk.org saýtynyň kesgitlemesi.

"Psiholigiýa" ylmyna "aňşynaslyk" diýmek many taýdan ýalňyş. Grekçe köki nähili bolanda-da, häzirki manysynda "psihika hakynda ylym" bolýan bolsa, oňa-da biz "aňşynaslyk" diýsek, "psihika - bu aň" diýdigimiz bolýar. Emma "aň", ýagny "сознание" - bu psihikanyň diňe bir çäkli sferasy (Ýung diýýärsiňiz, iň bärkisi şol Ýung şeýle hasaplapdyr). Umuman, psihoanalitikleriň pikiriçe "psihika - bu aň" diýmek - "Ýer şary - bu Günbatar Ýewropa" diýmek ýaly bolar, ýagny umumy zadyň ujypsyz bir bölegini şol zada deňeşdirmek bolar. Aň - psihologiýanyň diňe bir predmeti.

Emma "Psiholigiýa" ylmyna "aňşynaslyk" diýen ýalňyş ady dakyp ulanmagymyzyň uly zyýany bolmaz. "Aňşynaslyk" diýen mahaw söz ylma öz adyny berer-de, başga zada goşulma, gapdalda galar. Ylma her hili şertleýin ady dakanyňda-da bolar durar.

Emma Siziň "бессознание - aňasty aň" diýmegiňiz beýle zyýansyz bir ýalňyşlyk däl. Ol psohologiýanyň iň bärkisi esaslaryny türkmençe öwrenjekleri çaşyň gözüne sereden ýaly eder. Ol ylmyň ady ýaly gapdalda hereketsiz duran termin däl, Siziň bir taglymaty açyklamak üçin оперировать edip duran raboçiý terminiňiz. Bu ýerde ponýatiýeleri çalşyrjak bolşuňyz meseläniň many-mazmunyny bulaşdyryar, başga dildaki aýdyň pikiri biziňkide absurda öwrülýär. Size berk çemeleşip, köteklije ikinji punkty ýazmagymyň bir sebäbi şu. Beýleki sebäplerini iki-üç sagatdan, öýe baranymda ýazaryn.

Siz meniň teswirimi okaman jogaplaýan ýaly göwnüme bolmasa ýa-da düşnükli beýan edip bilmedim öýdýän.

"Psiholigiýa" ylmyna "aňşynaslyk" diýmek many taýdan ýalňyş.

Elbetde, ýalňyş. Menem şonuň ýalňyşdygyny aýdýan (getiren mysalymda belli bolşy ýaly)

Grekçe köki nähili bolanda-da, häzirki manysynda "psihika hakynda ylym" bolýan bolsa, oňa-da biz "aňşynaslyk" diýsek, "psihika - bu aň" diýdigimiz bolýar. Emma "aň", ýagny "сознание" - bu psihikanyň diňe bir çäkli sferasy (Ýung diýýärsiňiz, iň bärkisi şol Ýung şeýle hasaplapdyr). Umuman, psihoanalitikleriň pikiriçe "psihika - bu aň" diýmek

Psihoanalitikler psihika - aň diýýändirler öýdemok. Sözüň köki başga zat diýip dur ahyry (muny ýokarky teswirimde ýazdym)

Emma Siziň "бессознание - aňasty aň" diýmegiňiz beýle zyýansyz bir ýalňyşlyk däl. Ol psohologiýanyň iň bärkisi esaslaryny türkmençe öwrenjekleri çaşyň gözüne sereden ýaly eder. Ol ylmyň ady ýaly gapdalda hereketsiz duran termin däl, Siziň bir taglymaty açyklamak üçin оперировать edip duran raboçiý terminiňiz. Bu ýerde ponýatiýeleri çalşyrjak bolşuňyz meseläniň many-mazmunyny bulaşdyryar, başga dildaki aýdyň pikiri biziňkide absurda öwrülýär.

Bu ýazanlaryňyza men "hä" diýjek, wah, welin, ol söz meniň oýlap tapan sözüm däl. Ýöne çaşyň gözüne sereden ýaly diýmegiňiz - bu-ýa hakyky (Basarowyň dilini has-da çylşyrymly görýän). Diňe biziň dilimizde däl, eýsem, daşary ýurt dilinde-ýem çylşyrymly şu (meniň üçin-ä). Munuň sebäbi bolsa, psihologiýaň özi materialnyý ylym däl bolany üçin jedelliliginden görýän. (Sebäpleri başga-da kän)
Terjime babatda, ylmy dilde kim şony terjime eden bolsa, şondan özümem soramak islärdim "Näme üçin şuny şeýle terjime edip aldyňyz" diýip.

Size berk çemeleşip, köteklije ikinji punkty ýazmagymyň bir sebäbi şu.

Men bolsa, siz 1-nji teswirde bir zatlar soraýansyňyz öýdüp, jogap beripdirin. Jogap ýazmasam ýazylan teswire pisint etmeýän ýaly görünjekdigim üçin, soraglyrak teswirleri başardygymdan jogaplaýan (iň bolman şeýle hasaplaýan teswirlerimi). Öwrediji, maslahat beriji ýa siziň aýdyşyňyz ýaly "köteklije" teswirleri okaýan, netije çykarýan we bolany.
Berk çemeleşmek we köteklemek üçin delil gerek. Men bolsa bary-ýogy size öz "ewrikam" däldigini aýtdym.

Ýene bir gezek gaýtalaýan: men psihikany aň diýip hasaplamok we beý diýip hem ýazmadym.
"Psihika - ruh (duşa)" diýmek (aň däl), "Bessoznatelnoýe, podsoznaniýe - aňasty aň" diýip alnan materiallara gabat geldim - diýip aýtdym.

Aňşynaslygy bolsa şu wagt 1-nji gezek okaýan, dogrusy...

Siz ýalňyş düşünipsiňiz.

Men: "Psihoanalitikleriň pikiriçe "psihika - bu aň" diýmek" diýemok. Psihikany diňe aňa syrykdyrmak - bu karteziançylyk bolýar, ýagny de Kartyň (Dekartyň) garaýşy.

Men gaýtam psihoanalitikleriň pozisiýasynda durup, olaryň garaýşyny şeýle beýan etdim:

"Umuman, psihoanalitikleriň pikiriçe "psihika - bu aň" diýmek - "Ýer şary - bu Günbatar Ýewropa" diýmek ýaly bolar, ýagny umumy zadyň ujypsyz bir bölegini şol zada deňeşdirmek bolar. Aň - psihologiýanyň diňe bir predmeti".

Indi düşündim.

(Men ýazdym. Anonimno bolup gidýä düzedip bilmedim)

Siziň saglyk saýtyndan getirýän kesgitlemäňiz:

"Aňasty aň - aňyň gatnaşmazyndan we onda galmazdan ruhy dünýäde bolup geçýän hemme ahwalatlary bellemek üçin ulanylýan düşünjedir".

"Aňa gatnaşmaýan bolsa we aňda galmaýan bolsa, ol nädip "aňasty AŇ bolýar?" diýen sorag ýüze çykanokmy?

Geliň, has düşnükli bolar ýaly, şu porm kesgitlemäni "çaýyr" barada aýdalyň: "Çaýyr - arça astyndaky arça" bolsun:

Kettik:

"Arşa astyndaky ARÇA - bu arçalara hiç hili degişli bolmadyk, emma onuň astynda ösýän we arça berlen suwlary içýän otdur".

"A-how, jan dogan, arçalara düýbünden dahyly bolmasa, ol nädip arşa bolýar?" diýip sorarsyň-a göçürip ile ýaýratmazdan ilki?

Oňa düşündim. Ýokarda-da aýtdym (doly ylalaşmaýanymy terjimesi bilen)

Sorag döreýär, ýöne terminleri (barysyny) eýýäm kabul edilipdir (ylym adamlary tarapyndan) diýýän-de alaýýan. Täzeden termin döretjek bolsamam...

Sag bol, Atsyzatly. 2-3 günden saýta bir girip, makala edip ýazjak zatlarymy belläp açyşdyrdym welin, gaýtam olary teswir edip ýazmakdanam galdym.

Gerdişi gelende ýazaýmasam.

Ýöne häzir bir makala ýazmaly bolup dur ýaşlara ak ýürekden.

Ýöne munça bolanyna görä, öz pikirimem ýazaýyn.
Aňasty aň - bu hem aňyň görnüşi. Olam edil aňyň "aň" diýlip atlandyrylyşy ýaly, "aň" diýlip atlandyrylýar. Ýöne beýleki diýýän aňymyz adaty aň bolýa, bu bolsa onuň aşagyndaky aň. Nämedir bir zadyň aşagynda hem şoňa meňzeş bir närse gizlenip biler-ä we muny biz bilmän (aň ýetirmän) bileris. Diýmek, aň ýetirip bilmeýän bir aňymyz hem bar eken diýeli...
Yzyny soň...

Dertli meseläni gozgadyň, inim. Indi çyndanam makala ýazmaly etdiň.

Ýöne ilki "бессознательный" barada öz pikirimi aýtmasam gelşiksiz bolar.

Meniňçe, ol "aňasty aň" däl-de, ýöne "aňasty" bolmaly. Bolany. Şu döwürde şundan başga wariant göremok.

Çünki, rusçada hem bolşy ýaly, ol hem sypat, hem at hökmünde ulanybermäge ýaramly bolmaly.

"Aňasty" diýip ýeke özüni alanyňda at bolar. Emma gerek ýerinde yzyna "прицеп" dakyp, sypat hökmünde ulanmak üçin yz tarapy açyk galdyrylmaly bolar.

"Бессознательное желание", "Бессознательный страх", "Бессознательное влечение" diýen ýaly zatlar gelende "Aňasty höwes", "Aňasty gorky", "Aňasty ymtylyş" diýersiň welin, bolar duruberdi. Öňkiniň "aň" diýen artykmaç artyby bar zada pesgelem berýärdi.

Al, täze termin gutly bolsun! Romanlarda ulan, hekaýalarda tozdur!

Sagboluň, agam.

"Aňasty" diýmekligi özümem kem göremokdym. Soňky ýazjagym şu we "aňsyz" diýip göni terjimesi baradady...

Ýöne, 3 topara bölünende meselem,
Сознание
Подсознание
Бессознательное
diýlende,
Aň
Aňasty
?
döreýär.

Подсознание-däki maglumatlar, сознание ýakyn we olary azda-kände сознания getirip "ýatlap" bolýar. Emma, бессознательное-daky maglumatlary сознания getirip, aň ýetirmek mümkin däl.

Garaz ikisi dürliräk zat bolany üçin ýene pikirlendirýär.

Makul-da şü. Ylalaşmaz ýaly näme bar şu ýerde. Bizem okan türkmençe kitaplarymyzda şeýle okadyk.

Eger añasty añ diylen zat añdan daşary bolsa,yagny dahylsyz bolsa,onda nädip baryp biziñ gaty irki döwürlerimizi,çagalyk ýyllarda bolan zatlary we ş.m-leri ýatlap bilýä-kä. Şoñ ün ony aña dahylsyz bir zat däl-de,her adamyñ öz arhiwi hökmünde düşünmeli dälmi eýsem,adamlar?!

Сознание
Подсознание
Бессознательное

Aň
Aňasty
Aňötesi (Aňdaşgary-Aňdaşary...)

Сознание
Подсознание
Бессознательное

Aň
Aňasty
Aňötesi (Aňdaşgary-Aňdaşary...)" Mangoñ şu yazany iñ makuly.

Saýtdaşlar,Size bir haýyşym bar: teswiri "jogaplamak"funksiýany ulanman ýazaýalyñda,indiden beýläk. Sebäbi şeýle bir gowy teswirler ýazylýa ,ajaýyp pikirler alyşylýa,...ýöne...ýöne başly-baratsyzlygyndan ýaña okamak gaty kyn. Birine jogap ýazjak bolsak,şoñ teswir sanyny aytsak(uzyn bolsa) ýa-da teswiri kopiýalap alyp,yzyndanam jogap ýazsak(gysga teswir bolsa) bolmazmy,hä?! Sizden uly haýyş,şü! Eger ylalaşsañyz,Nurdandan "Jogaplamak" funksiýasyny aýyrmagyny towakga etjekdirin

Siz edebiýat meýdanynda her hili heňe gelmeýän zatlary aýdyp bilersiňiz, belki onda-da bir hakykat görerler, emma ylymda diňe yzygider pikir ýöretmegiň, anyk düşünjeleriň (terminleriň), mantygyň (logikanyň) üsti bilen hereket edilýär. Onsoňam baş şygary - "Aýdan her sözüň, her harpyň yzynda dur, jogap ber!". Bu saňa edebiýat däl, "taraşlap, şaglatgyl göwne geleniň" eder ýaly. Her göwne geleniňi näçe taraşlap owadanlasaňam, ondan ylym bolmaz.

Şonuň üçinem ilk-ä "howa, ol aň däl, oňa düşünýärin" diýip, soňam "Aý, olam aňyň bir görnüşidir-dä" diýjek bolsaň ylmy meselelere goşulmaly däl.

Menem ylym adamsy däl, şu ýerde hiç hili alyma ýa-da teoriýa garşy çykamok, ýagny "ädikden ýokary geçemok". Diňe biziň türkmenlerimiziň käbir eden dereksiz terjimesimi düzedip, ylma öz hormatymy bildirýärin. Siziňem eseriňiz barada tankyt aýtmadym. Biriniň biweç terjimesini ulananyňyz ulananyňyz, ýene-de esassyz delil tapyp ony tutanýerli goramagy dowam etdirýärsiňiz.

Gel, mantygy işledeliň. "Aňasty" her niçigem bolsa ýene aňyň bir görnüşi" diýýärsiňiz. Onda, elbetde, "aňyň" özi hem aňdyr (Siziň kesgitlemäňiz boýunça "adaty aň"). "Aşyry-aň"-ha (Сверхсознание) aňyň naýbaşysydyr. Hany onda aň däl zat, aňdan daşary zat? Tutuş ynsan (fiziki bedeninden başga) tutuş aňdan durýar-da onda?

Dekart şeýle seretse seredendir, soňra magaryfçylar adamy aňly-düşünjeli mahluk hasaplap, gözel arzuwlar edendirler, emma gelip-gelip XIX asyrda...

Iki sany jahan urşundan soň, häzirki konfliktler döwründe, klimat krizisi dünýämizi zibile gark edip barýarka adamyň aň-paýhasly mahlukdygyna kim ynanýar. Aňlary bilen işleýän bolsalar näme üçin maslahatlaşyp düzedäýenoklar?

Adamyň nämeden ybaratdygyny durmuşy görüp ýören islendik adamdan sorasaň aýdar: adam diýen "gyzzyňalaýynyň" mozgisiniň 5 göterimi aňdan ybarat, galany kör nebis, haýwan hyjuwlary, göriplik, töweregindäkilere ýigrenç, özüne ýigrenç, müýn, utanç, gorky, ötünç, ar alyş hyjuwlary... aý, garaz, adamyň psihikasy, Froýd daýynyň suratlandyryşy ýaly, bir kempir bilen aýgyr maýmynyň käte-käte dyrnaçyklaşyp uruşýan, käte ýaraşyp ýaşap oturany gözenekli ýerzemin-dä. Aňjagaşjyk hem bar ýaly, ýöne ujypsyzja hem-de şahsy goramak üçin işleýär.

Siziň "Şolaryň hemmesi hem aň" diýen açyşyňyza gös-göni düşünsem-ä, ol möwritini ötüren düşünjelere öwrülmäge meýil ýaly, başgaça nähili düşünjegimi bilemok. Diňe çynlakaý bolmalydyny ýatdan çykarmaly däl. .

Howa, meniň pikirimçe-de "aňötesi" şowly bolupdyr.

"Jogaplandyrmakdanam" el çekip otyryn. Maňa oňaýsyzlygy - teswir 60-a
ýetenini bilmäge päsgelçiligi. 60-dan geçiberse bes edýärin ýa makala bilen zalp berip galýaryn.

Meniň şu ýerde düşünmeýänim - Ýunguň psihoanalizinden ýazýan adamyň aňy erjel gorajak bolşy. Ýung Froýduň yzyny ýöredijisi we hatda ondan hem geçiren adam ahyryn: Froýdyň başda bir şahsyýete degişli hasap eden aňasty diýen "durdomyny" Ýung tutuş milletlere degişli edýär.

Yzygiderli boljak bolsa awtor "aňastynyň" kesgitlemesini hem froýdistlerden alyp bermelidi, umumy lukmançylyk saýtyndan däl.

Psihoanalitika Türkmenistanda ykrar edilenmi? Bizde "psihoanalist" hünärli lukmanlar okadylyp taýýarlanylýarmy ýa-da psihoanalizi daşary ýurtda okanlar bizde şol ugurdan işleýärlermi?

Eger psihoanaliz metodyna garşy bolsaň, ol hakda eser ýazmagyň näme manysy bar?

.

.

"Aňasty aň" - hiç hili many bermeýän söz tirkeşigi. Absurd.

Siz edebiýat meýdanynda her hili heňe gelmeýän zatlary aýdyp bilersiňiz, belki onda-da bir hakykat görerler, emma ylymda diňe yzygider pikir ýöretmegiň, anyk düşünjeleriň (terminleriň), mantygyň (logikanyň) üsti bilen hereket edilýär.

Ýazýanlaryňyz biri-birine garşy ýalymy ýa göwnümemi...

Onsoňam baş şygary - "Aýdan her sözüň, her harpyň yzynda dur, jogap ber!". Bu saňa edebiýat däl, "taraşlap, şaglatgyl göwne geleniň" eder ýaly. Her göwne geleniňi näçe taraşlap owadanlasaňam, ondan ylym bolmaz.

Ýöne ilki "бессознательный" barada öz pikirimi aýtmasam gelşiksiz bolar.
Meniňçe, ol "aňasty aň" däl-de, ýöne "aňasty" bolmaly. Bolany. Şu döwürde şundan başga wariant göremok.
Çünki, rusçada hem bolşy ýaly, ol hem sypat, hem at hökmünde ulanybermäge ýaramly bolmaly.
"Aňasty" diýip ýeke özüni alanyňda at bolar. Emma gerek ýerinde yzyna "прицеп" dakyp, sypat hökmünde ulanmak üçin yz tarapy açyk galdyrylmaly bolar.
"Бессознательное желание", "Бессознательный страх", "Бессознательное влечение" diýen ýaly zatlar gelende "Aňasty höwes", "Aňasty gorky", "Aňasty ymtylyş" diýersiň welin, bolar duruberdi. Öňkiniň "aň" diýen artykmaç artyby bar zada pesgelem berýärdi.
Al, täze termin gutly bolsun! Romanlarda ulan, hekaýalarda tozdur!

Ýöne munça bolanyna görä, öz pikirimem ýazaýyn.
Aňasty aň - bu hem aňyň görnüşi. Olam edil aňyň "aň" diýlip atlandyrylyşy ýaly, "aň" diýlip atlandyrylýar. Ýöne beýleki diýýän aňymyz adaty aň bolýa, bu bolsa onuň aşagyndaky aň. Nämedir bir zadyň aşagynda hem şoňa meňzeş bir närse gizlenip biler-ä we muny biz bilmän (aň ýetirmän) bileris. Diýmek, aň ýetirip bilmeýän bir aňymyz hem bar eken diýeli...
Yzyny soň...

1. Edil siziňki ýaly, başgalaryň, şol sanda meniň hem pikirimi aýtmaga hukugym barmyka diýýärdim.
2. Men bu ýerde ylmy açyş etmedim. Ylmy açyş nire, bu iňbärkisi ylmy makala-da däl-ä ýa öz pikirimi beýan etmek islän essäm däl. Edebiýat meýdanynda hem edil edenimi edesim gelenok siziň aýdyşyňyz ýaly. Hekaýany we teswirlerimi täzeden okaň.
3. Işjeň gözöňüne getirme - bu bir metod bolup durýar. Şony hekaýada ulanjak bolup çemeleşdim çemeleşmämde.

Şonuň üçinem ilk-ä "howa, ol aň däl, oňa düşünýärin" diýip, soňam "Aý, olam aňyň bir görnüşidir-dä" diýjek bolsaň ylmy meselelere goşulmaly däl.

Diýen zatlarymy ýoýup ýazmazlygyňyzy sizden haýyş edýärin!
Men oňa biziň bilýän aňymyz däl diýdim. Subýektiw jogaplaýaňyz göwnüme bolmasa...

Biriniň biweç terjimesini ulananyňyz ulananyňyz, ýene-de esassyz delil tapyp ony tutanýerli goramagy dowam etdirýärsiňiz.

1. Men ony ýa beýlekini tutanýerli goramok. Gabat gelen ýerimiň ýekejejigini tapyp bilsemem şondan salgy getirýärin. (Özüm-ä şeýtseler halaýan)
2. Biweçmi ýa dälmi biljek däl, ylmy terminleri türkmençelejek we munuň üstünde diskussiýa gurajak, özüniňkini dogry etjek adam ylym bilen meşgullanyp, gorap biler özüniňkini (muny siz babatda aýtdym. Men bu ýerde özümden hokga tapamok we öň ýazylan terminleri ýoýamok).

Adamyň nämeden ybaratdygyny durmuşy görüp ýören islendik adamdan sorasaň aýdar: adam diýen "gyzzyňalaýynyň" mozgisiniň 5 göterimi aňdan ybarat, galany kör nebis, haýwan hyjuwlary, göriplik, töweregindäkilere ýigrenç, özüne ýigrenç, müýn, utanç, gorky, ötünç, ar alyş hyjuwlary... aý, garaz, adamyň psihikasy, Froýd daýynyň suratlandyryşy ýaly, bir kempir bilen aýgyr maýmynyň käte-käte dyrnaçyklaşyp uruşýan, käte ýaraşyp ýaşap oturany gözenekli ýerzemin-dä. Aňjagaşjyk hem bar ýaly, ýöne ujypsyzja hem-de şahsy goramak üçin işleýär.

Meniň şu ýerde düşünmeýänim - Ýunguň psihoanalizinden ýazýan adamyň aňy erjel gorajak bolşy. Ýung Froýduň yzyny ýöredijisi we hatda ondan hem geçiren adam ahyryn: Froýdyň başda bir şahsyýete degişli hasap eden aňasty diýen "durdomyny" Ýung tutuş milletlere degişli edýär.

Ikisi bir-birine garşy ýaly bolup dur.
Men aňy erjel gorajak bolamok (eýýäm näçenji gezek aýdýanym ýadymdan çykyp gitdi)
Ýungyň bolsa birje metodyny barlap gördüm.
Freýd bilen Ýungyň hemme aýdanlary bilen ylym ylalaşanok. Muny ynsanyň tebigatyna ýüklemek nädogry. Olar diňe bir ylmy goraman, eýse, öz pikirlerini aýdýan ýerleri-de bar, ylma goşant goşan ýerleri-de. Şonuň üçin adamyny Freýdiň ýa Ýungyň pikirleri bilen aňlatmak siziň ýa meniň pikirlerim bilen aňladan ýaly bolar. Diýjek bolýan zadym, putit etmeli däl. Siziň aýdýan "durdomyňyz" ylymda ulanylýan närse.

Yzygiderli boljak bolsa awtor "aňastynyň" kesgitlemesini hem froýdistlerden alyp bermelidi, umumy lukmançylyk saýtyndan däl.

Ony men türkmençesi diýip getirdim. Froýdistlerden kesgitleme getirmek minuda bitýär, problema ýok, ýöne siziň froýdistlerden kesgitlemä garaşýanyňyzy bilmändirin. Diňe şol sözüň terjimesini soraýansyňyz öýdüpdirin.

Psihoanalitika Türkmenistanda ykrar edilenmi? Bizde "psihoanalist" hünärli lukmanlar okadylyp taýýarlanylýarmy ýa-da psihoanalizi daşary ýurtda okanlar bizde şol ugurdan işleýärlermi?

Psihologiýa ykrar edilen bolsa, bulam ykrar edilen. Sebäp bu hem onuň bir pudagy bolup durýar. Psihoanaliz psihologiýada ulanylýar. Muny psihologlar öz tejribelerinde ulanýarlar. Psihologiýa - psihika baradaky (umumy) ylym, psihoanaliz - psihikanyň analizi.
Psihoanalistler diňe lukmanlardan çykanok.

Eger psihoanaliz metodyna garşy bolsaň, ol hakda eser ýazmagyň näme manysy bar?

Size ýene bir gezek meniň diýmedik zatlarymy diýdi etmezligiňizi haýyş edýärin! Men nirede "Psihoanaliz metodyna garşy" diýip ýazdym?
Onsoňam men, meselem, pifagorçylara garşy diýeli, ýöne men ýazasym geldi. Indi? Meniň üçin manylydyr belki-de?

Sözümiň soňunda aýtjak zadym: Bu ugur materialnyý däl. Şonuň üçin dünýä ýüzünde jedelli.

Mango, ýazanyňyz laýyk boldy.

Mangoñ bize ýatladan o terminleri ýokary okuw jaýlarynyñ filosofiýa kitaplaryndda bar bolmaly. Erbet terjime-de edilmändir,pikirimçe. Eger ondanam gowy wariant bar bolsa aýdaýyñ,bahana bn bizem bilip goýardyk.

"Psihologiýa ykrar edilen bolsa, bulam ykrar edilen. Sebäp bu hem onuň bir pudagy bolup durýar".

Beýle däl bolaýmasyn?

SSSR-de (şol sanda Türkmenistan SSR--nde psihologiýa
ylmy ykrar
edilendi, emma psihoanaliz metody inkär edilýärdi (diýmek, gadagandy).
Psihologiýanyň, filosofiýanyň we edebiýatyň taryhynda ol hakda maglumat berilýärdi, emma oňlanylmaýardy.

Ony aýtjak bolsaň faşizm hakynda hem maglumat berilýärdi.

Size ynansaň, häzir ýurdumyzda haýsydyr bir praktika alyp barýan psihoanaliz lukman (bizde şeýle diplomly barmy beri?) akyl taýdan
birahlanan bir pasiýente Ýunguň metody bilen bejergi bermäge rugsat ediläýjek ýaly.

Çto za fantaziýa?

Entek Russiýada ýa Türkiýede ýol alyp baranok ol zatlar.

Bizde resmi rugsat-a bir ýokdur. Ýöne gep dolandyryşda däl.

Psihoanalitika üçin şoňa laýyk ösüş derejesi, durmuş-medeni gurşaw, mahlasy, şoňa degişli jemgyýet gerek.

"Durmuş nähili bolanda-da ynsan Alla tarapyn paýhas berlen ýaratykdyr. Biynjalyk bolsaň doga oka, kitap oka, ýaşulylara sala sal, ýöne kelle bejerýän lukmana baraýma, il-gün näme diýer?" diýýän däp-dessur jemgyýetine Ýung hem, hiç hili psihoanalitik hem gerek däl. Umuman, beýle jemgyýetde psihologik bozulyş kän bolmaýar.

Psihoanaliz nähili jemgyýete gerek?

Ýewropa ýaly köp ösüşleri görüp, indi köp zatlara, şol sanda adam paýhasyna hem ynanmaýan, emma jemgyýete, kanunlara we hukuga ynanýan jemgyýet gerek.

Muňa bolsa uzak ýol talap edilýär.

Psihologiýa, elbetde, gürrüňsiz ykrar ediler. Onda beýle näme bar? Ol sag adamlara-da gerek. Meselem, mekdepde pedagog-psiholog.

Psihoanalist, şol sanda Ýungy ulanyjy hem ruhy taýdan näsag adama gerek.

Döwletiň birtopar ygtyýarlandyryjy resmi namasy bolmasa kim seni klinika ýakynlaşdyrar?

Psihoanalist-ýazyjy, psihoanalist-filosof, psihoanalist- suratkeş näçe bolsaň boluber, emma psihoanalist lukman diýip kim seni ykrar eder?

Psihiatr-lukman, psihoterapewt lukman - olar başga, men froýdizmden başlanan metod boýunça bejerýän lukmanlary göz öňünde tutýaryn (Ýungam şolaryň içinde).

Ýagny, pasiýenti kuşetkada ýatyryp, syrlaryny diňläp bejerýänleri.

Olar düwläp duran hassalar däl, biynjalyk-newroz bolanlar.

Bizde rugsat berlende-de özüni bilýän adamlar şolara bararmy?

Ýewropada diş lukmanyň ýa ýuristiň priýomyna baran ýaly arkaýyn barýarlar. Çünki olarda ynam medeniýeti ösen, bizde ynamsyzlyk medeniýeti barha gülleýär.

Umuman-a, akyl taýdan ynjalyksyzlanma üçin bejergiden geçip ýörer ýaly hezilliklerden bize irräk. Gastridi, şekeri bilen öňküsi ýaly gezip ýörler.

Ýaran aga,"ynam we ynamsyzlyk" medeniýeti barada aýtdyñyz. Şu baradaky pikiriñizi giñedäýiñ! Nädip ynam medenýete ýetip bolar? Ynamsyzlyk medenýetine näme sebäp bolỳar?

aňötesi bessoznatelno bolmaýar we türkmençe ýaňlanmýar. "bilniksiz" diýilse dogry bolar.

aň sözüne kelläňiz gidipdir

"Aňötesi" diýip, "сверх-сознание"--ni göz öňünde tutdum.

"Ýaran aga,"ynam we ynamsyzlyk" medeniýeti barada aýtdyñyz. Şu baradaky pikiriñizi giñedäýiñ! Nädip ynam medenýete ýetip bolar? Ynamsyzlyk medenýetine näme sebäp bolỳar?"

Umuman, iki jüre medeniýet bar diýip bileris: “ynanyşma medeniýeti” (“Культура доверия”) we “ynanyşmazlyk medeniýeti” (“Культура недоверия”).

Günbatarda öz şertnama baglaşylan lukmanynyň, ýuristiniň ýa-da psiho-analitiginiň ýanyna baran adam iki tarapyň hem hiç zady ýaşyrman aýtjagyny, hyýanat etmejegini, aýdylan zatlaryň şol ýerde galjagyny bilýär. Psiho-analizde bolsa bu ähli zadyň binýady. Şonsuz kontakt we duýgudaşlyk hem, netijede terapiýa hem bolmaz. Bu ýer adamyň öz ýanýoldaşyna, doganyna aýtmaýan zatlaryny aýdyp, içine dökýän, ýüregini ýeňledýän, şeýdip şypa tapýan ümsümje künjegi. Gadymky katolik padrelere günä aýdylyp, toba edilýän ýer ýaly, emma indi günbatar jemagaty dini toplum bolmansoň...

Garaz, ol ýerlerde öz ýuristine, bankyna, öz gatnaýanja toparjyklaryna adam arkaýyn ynanyp, maşgalasyna aýtmaýan syrlaryny aýdýan bolarly. Bu – ençeme asyr durnukly ösüp, bişişip, şu ýagdaýa gelen jemgyýet, psiho-analitika hem şonuň önümi (köpleriň pikiriçe gaýtam çüýrän jemgyýet). Şular ýaly ynanyşma medeniýeti kemsiz kemala gelen şertnama hukugyna daýanýar. Ýurist ýaly, psiho-analitik hem özi barada jikme-jik düzülen kanun boýunça hereket edýär – kodeksleri bar, näme düýbünden gadagan, nähili ýagdaýlarda nämä ýol berip bolýar, bary hakynda kän düzedilip gelnen düzgünler bar. Düzgüni bozsa öz kollegiýalary tarapyndan çigit-çigit derňeljegini bilýär. Ol zatlar üçin, ine, şeýle jemgyýet gerek.

“Ynanyşmazlyk medeniýeti” barada bolsa stalinçilik ýyllaryny, tä soýuz ýykylýança dowam eden birek-biregi şugullaşygy, golsuz arzalary, hemme kişä, tutuş dünýä şübhe bilen garaýan, diňe özünden gorkuly ýa-da özüne elgarama adamlardan başgalara hiç kime bil baglamaýan, bir ýerden çykan badyna başgaça gepleýän adamlary ýada salaýyň. Şol aň-düşünjeden häzirem uzaga gitmedikler köp. Umuman, psihoanalizm praktikasy üçin bizde binýadam ýok, ol bize kän geregem däl. Her kim syryny diňe öz dogan-gardaşyna ynanýar. Umuman, ynanyp-ynanmaz ýaly ullukan psihologik ýükleri hem ýok. Psiho-analitige äkideniňde kim öz syryny dökjek? Däp-dessurymyz bize pul berip, bir ýat adama syryňy dökmegi ündeýärmi?

Umuman, “Tamda gulak bar” – ine “ynanyşmazlyk medeniýetiniň” many dürdänesi.

"Psihologiýa ykrar edilen bolsa, bulam ykrar edilen. Sebäp bu hem onuň bir pudagy bolup durýar".

Beýle däl bolaýmasyn?

Şeýle bolaýmasyn şol? Ýokarda-da düşündirdim.

SSSR-de (şol sanda Türkmenistan SSR--nde psihologiýa
ylmy ykrar
edilendi, emma psihoanaliz metody inkär edilýärdi (diýmek, gadagandy).
Psihologiýanyň, filosofiýanyň we edebiýatyň taryhynda ol hakda maglumat berilýärdi, emma oňlanylmaýardy.

Wagt geçdi, indi SSSR döwri däl. Ylym bir ýerde duranok. Psihoanaliz metody diýip siz diňe Freýd bilen Ýungy gözöňünde tutýan ýaly? Emma psihoanaliz diňe ol ikisinden duranok. Psihologiýa özüne psihoanalizden käbir metoddyr terminleri aldy we alýar, ulanylýar. Galyberse-de, haýsy metody ulanmaklyk psihologyň özüne bagly. Haýsyny täsirli görse şony ulanýar (ýa-da hersinden özüne geregini alýar).

Ony aýtjak bolsaň faşizm hakynda hem maglumat berilýärdi.

Size ynansaň, häzir ýurdumyzda haýsydyr bir praktika alyp barýan psihoanaliz lukman (bizde şeýle diplomly barmy beri?) akyl taýdan
birahlanan bir pasiýente Ýunguň metody bilen bejergi bermäge rugsat ediläýjek ýaly.

Çto za fantaziýa?

Eto ne fantaziýa. Çto za neponýatnost?

Men hiç ýerde ýurdumyzda biri Ýungyň metody bilen praktika geçýär diýmedim. 3nji gezek diýmedik zadymy üstüme atýaňyz. Bu siziň öz subýektiw pikiriňiz, içiňizdäki konfliktiňiz diýip goýaýmasam...

Entek Russiýada ýa Türkiýede ýol alyp baranok ol zatlar.

Geçen asyra gidip şo ýerde biri bilen pikir alyşýan ýaly duýdum.
Ýok. Ýagdaýlar gün geçdikçe üýtgeýär. Her bir kiçjik detaljygy bilen ýazyp durjak däl (muň üçin kitaplardyr statýalar kopýalamaly bolýandygyna görä bu ýere sygmasy mümkin däl)

Bizde resmi rugsat-a bir ýokdur. Ýöne gep dolandyryşda däl.

Psihoanalitika üçin şoňa laýyk ösüş derejesi, durmuş-medeni gurşaw, mahlasy, şoňa degişli jemgyýet gerek.

"Durmuş nähili bolanda-da ynsan Alla tarapyn paýhas berlen ýaratykdyr. Biynjalyk bolsaň doga oka, kitap oka, ýaşulylara sala sal, ýöne kelle bejerýän lukmana baraýma, il-gün näme diýer?" diýýän däp-dessur jemgyýetine Ýung hem, hiç hili psihoanalitik hem gerek däl. Umuman, beýle jemgyýetde psihologik bozulyş kän bolmaýar.

Bu diýenleriňizde-de jan ýok däl, ýöne jemgyýetde şeýle pikirde bolman, dünýewi(räk) pikirli adamlar we maşgalalar bar. Olar özem türkmen. Ors ýa kürt, ýewropaly birleri däl-dä. Öz şaýat bolan wakalarym bolansoň aýdýan. Siziň aýdyşyňyz ýaly, "derdinişmäge" gitmegi ýazgarmaýan. Edil adaty biriniň molla doga okatmaga gidişi ýaly psihologa ýa psihiatra bolaýmaly zat ýaly baryp ýörüşi. Aglabasy beýle diýemok, ýöne assa ýuwaş...

Psihologiýa, elbetde, gürrüňsiz ykrar ediler. Onda beýle näme bar? Ol sag adamlara-da gerek. Meselem, mekdepde pedagog-psiholog.

Psihoanalist, şol sanda Ýungy ulanyjy hem ruhy taýdan näsag adama gerek.

Munyňyza bolmady. Psiho-analiz - psihikanyň analizi. Eýse, adaty adamynyň psihikasyny analiz etmek bolanokmy? Trawmasyz adam ýok. Gep zyr dälilik babatda däl. Ýung bilen Freýde diňe bir newrozlar däl, adaty pasiýentler hem baran.

Döwletiň birtopar ygtyýarlandyryjy resmi namasy bolmasa kim seni klinika ýakynlaşdyrar?

Psihoanalist-ýazyjy, psihoanalist-filosof, psihoanalist- suratkeş näçe bolsaň boluber, emma psihoanalist lukman diýip kim seni ykrar eder?

Psihiatr-lukman, psihoterapewt lukman - olar başga, men froýdizmden başlanan metod boýunça bejerýän lukmanlary göz öňünde tutýaryn (Ýungam şolaryň içinde).

Ýagny, pasiýenti kuşetkada ýatyryp, syrlaryny diňläp bejerýänleri.

Olar düwläp duran hassalar däl, biynjalyk-newroz bolanlar.

Psihoanaliz diňe psihiatrlara, kliniçeski psihologiýa degişli etmek nädürslik. Psihologlar hem munuň bilen meşgullanýar.

Bizde rugsat berlende-de özüni bilýän adamlar şolara bararmy?

Barýarlar, Ýaran Ýagmyriç, barýarlar.

Edil Ýewropaňky ýaly diş dogtora giden ýaly bolmasa-da, azda-kände barýarlar.