MENU
Главная » 2022 » Ноябрь » 28 » ***
16:35
***
Men nätsemkäm,
Kimden ýeter delalat?!
Ýüregimi dökmesem aýylar essim.
Hut şu gün uludan dem alagetdin,
Ençe günden bäri telim göçürlen
Kisämdäki haty bererin,besdir!

Soňam...
a soň jogabyňa garaşman,
Ýüzüm göge tutup,sözüm seçeläp.
Tapawady ýok,
men,haýsy hem bolsa,
Bir ýana umytly nazarym çenäp,
"Indi näme bolsa,şol bolsun"diýip,
Giderin galanyn tabşyryp Taňra.
Sebäbi ýeke söz aýdyp bilmänem,
Şunça gün bimaksat tamşanupdym-a.

***
...Heniz saňa duşman ýaşap ýörşüme,
Duýulmanka artyklygyň,kemligiň,
Beýle mätäç hala düşmedik wagtym,
Has oglan mahalym,seniň kimligiň
tanamankam,
gyzlar meni söýmänkä,
Az bolsa-da,heniz duruka aklym,
Üýtgeşik aladam,arzuwym ýokka,
Oglantak kalbymda arman hem ahmyr
döremänkä,
ýöremänkäm ýanyňa,
Ömrüň sepgidinde,
hawa,ullakan
sepgidinde saňa gabat gelmenkäm,
Bagtlydymmykam?!
Категория: Goşgular | Просмотров: 107 | Добавил: Medine | Теги: Seýitmyrat Geldiýew | Рейтинг: 5.0/3
Всего комментариев: 4
avatar
0
1 Мango • 19:49, 28.11.2022
Birinji goşgy tewekkül barada hadysy ýada saldy.
Çarwaň biri Pygamberimize gelip: “men düýämi boş göýberip, tewekkül edeýinmi, ýa daňyp?”
Pygamberimiz: “Düýäňi daň, soňra Allaha tewekkül et* - diýýär.
ýagny, ilki düýäňi daň (öz etmeliňi et), soňra Allaha bil bagla (tewekkül et).
Goşgyň gahrymanam “telim göçürlen haty berýär” we galanyny ‘Taňra tabşyrýar”. Dogry taktika.
“Köýýän, ýanýan…” diýýän izzik, aglak aşyklardan-a gowy :-)
nämede bolsa etmeli işini edýär.

goşmaça bellik: * şo hadysy türkmenler ýoýup başgarak aýdýarlar, “Hudaýa ynansaň ynan welin, eşejigiňi berk guşa” diýip. Hudaýa şübhe kakap durmy bu gepden? Bolmalysy bolsa: (eşekli wariantda) eşegiňi duşa, galanyny Hudaýa tabşyr.
aňladabildimmi?
avatar
0
2 Мango • 19:55, 28.11.2022
Seýitmyrat kaka şahyr.
okaýaň welin, goşga agram salnyp, ýüzi şramdan doldurylan, ezýet görkezilen däl.
ýagny, bir demde aňsatlyk bilen diýjek gepini diýýär. Aňsatlyk diýemde - bize aňsat ýaly duýulýar. Garaz goşgy, sözleri arassa we tebigy, şahyrana… bir söz bilen şahyryň şahyrlygy çyn.
üstünlikler.
avatar
0
3 Medine • 20:02, 28.11.2022
Hawa elbetde gaty gowy düşündirýäňiz mango daýy
avatar
0
4 Medicall • 00:28, 29.11.2022
Gowy goşgulary paýlaşypsyñ, sagbol, ýöne indi goýañda beýlekileñ post açyşyna üns bergin.
Paýlaşyp dur.
Войдите:
avatar

© Türkmen Edebiýaty 2025

uCoz