11:32 Aşyky-ahwal | |
AŞYKY-AHWAL  Kim beýik?! Daglarmy?! Daglarmy beýik?! Olar seň ýanyňda bir gysym çagyl. Kim çuň?! Ummanlarmy?! Ummanlarmy çuň?! Olar bir ýuwdum. Barmak bilen düýbün bulap durmaly. Kim baý?! Deňizlermi?! Deňizlermi baý?! Seniň ruhuň, zehiniňdir sözleriň — dür, merjenu-jowahyrka Deňizlermi baý?! Kim ymgyr, ummasyz, ümmülmez, giň kim?! Älemmi?! Älemmişmi biserhet?! Biserhet — bil: kalbyň, aňyň, ruhuň, pikiriň, ylmyň, ykbalyň, Biserhet — bil: hyýalyň.... Kim jomart?! Asmanmy-Zeminmi jomart?! Jomart — seniň bagt eçilýän ýylgyrşyň. Jomart — seniň owazyň. Kim çogly?! Aý-Günmi?! Ho-ol, Günmi çogly?! Çogly — seniň mähir saçýan gözleriň. Çogly — seniň iman baglan gursagyň. Kim gözel?! Güllermi?! Güllermi gözel?! Gözel — seniň saýlanyň. Kim ýakyn?! Doganmy, dostuňmy ýakyn?! Ýakyn — seniň niýet-päliň. Kim batyr?! Ýolbarsmy, gaplaňmy batyr?! Batyr — diňe aşygyň. Kim gerek?! Ot düşen kalba kim gerek?! Kim gerek?! Magşuky-didarmy gerek?! A-ah, didara döz gelere, A-ah, zybana söz gelere, Pynhan bolup özgelere, Bir ylahy üm gerek Bir ylahy yş gerek Yşk gerek!!! Aýdym gerek!!! Aýdymny aýdan gerek!!! 14.04.2018ý. | |
|
| |
| Всего комментариев: 2 | |
|
| |
