MENU
Главная » 2023 » Декабрь » 20 » «Perwaýsyz bakyşlaň dadyn alaryn...»
00:38
«Perwaýsyz bakyşlaň dadyn alaryn...»

***

Perwaýsyz bakyşlaň dadyn alaryn sowuk kofemde,
Sowar kofe, sowar gije, sowar alysda ýyldyz, Aý.
Özüm oklaryn deňze, duýmaz janly-jemende,
Daňdan ýene dolanaryn, tapman janyma başga jaý.

Sen düşünjek bolarsyň maňa uzaklardan bakyp,
Müňýyllyklary dörüp men özümi gözläp ýörkäm,
Ýat ýetimden el bularsyň, göýä ki päk çagalyk
Utanyp kirlän ruhumdan, boş sözlere gizläp ýörkäm.

Bir goşgy geler, penjiräm kakar durar, açmaryn,
Yzarlaryn uzaklaýan söýgiň aýak sesini.
Ýalňyzlyk sypar ýene ir agaran saçlarym,
Diňläris bulut bürän aýyň pelsepesini.

Bir gurt uwlar gursagymda,
bir dem diňer, saz, pelsepe, owarra...
diýersiň sen ýene-de,
Saňa bir zada bolýa...

© Nejep BAÝAT
Категория: Goşgular | Просмотров: 216 | Добавил: sussupessimist | Теги: Nejep Baýat | Рейтинг: 5.0/2
Всего комментариев: 12
avatar
2
1 garagar • 01:05, 21.12.2023
Perwaýsyz bakyşlaň dadyn alaryn sowuk kofemde,

Özüm oklaryn deňze, duýmaz janly-jemende

- gaty gowy. Aýdyp bolmaýan ahwalyň duýgusyny berýär.

Bir gurt uwlar gursagymda,

- nämüçindir, gurduň uwlamagy töwereginiň sessizligini, boşlugyny görkezdi maňa.

Nejep Baýatdan ýene guý, meýhanaçy. Doldursana bakaly...
avatar
0
2 sussupessimist • 07:34, 21.12.2023
"saky" diymeli, "saky"!
avatar
0
3 garagar • 08:39, 21.12.2023
aýdyma görä, göni aldym. Hiňlenip, okar ýaly.
avatar
0
4 Pero • 10:30, 21.12.2023
Ajaýyp goşgy!
avatar
0
5 Seýrаn • 18:24, 21.12.2023
Bir goşgy geler, penjiräm kakar durar, açmaryn,
Yzarlaryn uzaklaýan söýgiň aýak sesini.
Ýalňyzlyk sypar ýene ir agaran saçlarym,
Diňläris bulut bürän aýyň pelsepesini.
avatar
0
6 Seýrаn • 18:26, 21.12.2023
Yokardaky bent birini yadyna saldy.
avatar
0
7 Seýrаn • 20:00, 21.12.2023
Shu kabir awtorlaryn ozlerini sayta getirip dykyp bolmazmyka?
avatar
0
8 Okayjy_ • 09:57, 25.12.2023
"Dadyn" diýmek ýerine "tagamyn" diýsede goşgyñ ritmi üýtgemeýän ýaly
avatar
1
9 sussupessimist • 12:30, 25.12.2023
bidat bolmazmy beytseň?))
avatar
0
10 Pero • 16:44, 25.12.2023
Tagam köp ulanylyp,lenç edilen söz,emma dat sözi tersine. Şoñ üçirip şo durşy gowy diýip pikir edýän.
avatar
0
11 derwushhana • 07:43, 27.03.2024
Tüýs diýilýäni bolupdyr
avatar
0
12 Мango • 12:00, 27.03.2024
Yzarlaryn uzaklaýan söýgiň aýak sesini.

näme üçin "uzaklaŞýan" däl?
täze sözler döretmek eskperimentleri üçinmi?
---

1) Müňýyllyklary dörüp men özümi gözläp ýörkäm...
2) Bir gurt uwlar gursagymda...

Nejebiň müňýyllyklardan özüni gözlemegi, we gursagynda gurt uwlamagy ýöne ýere däl....
ýaŇlyşmasam Nejep kaka "biziň aslymyz - gurt" teoriýasyna simpatiýa bildirýär...

Seýrän dädäň "gizlenpeçegi" özüni gözleýänlere gowy maslahat bolmaly...

gow goşgy (ikisem :-) ).
Войдите:
avatar

© Türkmen Edebiýaty 2025

uCoz