19:47 Ýetim çaga | |
| ÝETIM ÇAGA Goja dünýä gara donun geýinip, Hemme kişi süýji uka çümende, Kämahal bir üýrýän itlerden başga, Sesin goýanynda janly-jemende, Ýarygije ýassygyna baş goýup, Wah, ýene-de aglap ýatyr bir ýetim. Eşdiler-eşdilmez pyşyrdy bilen, Gaýtalaýar: "menem adam ahbetin". Didesinde yzyn uzmän döräp dur, Kysmatyna meňzeş ajy damjalar. Şol gözýaşlar ýaňagyndan syrygyp, Mähre teşne ýüregine sanjylar. Nädip gülsün. Aglamasyn neneñsi, Habary ýok dogan, gardaş, ejeden. Dogulan pursaty gereksiz daş deý, Ýatan eken, tapypdyrlar köçeden. Hiç görmedi kakasynyň keşbini, Ejesinden eşitmedi hüwdi ol. Ýetim diýip kemsidende deň-duşy, Nalaçlykdan ýumrugyny düwdi ol. Giň dünýäde hiç kimsesiz galsada, Ýene-de güýç tapdy ýaşamaga ol. Özüni bu dünýä getirenlerden, Ýüz esse, müň esse beýik çaga ol. Mätgurban MÄTGURBANOW | |
|
| |
| Ähli teswirler: 2 | |
|
| |
