Awtory näbelli bolsa-da belläp alan miniatýuralarymdan:

Illeň maňlaýy daş ýarsa, daş munuň maňlaýyny ýarýa.

* * *

Geçmişine atanak çekdi, şeýdibem geljeginiň öňüne böwet basandygyny duýmady.

* * *

Üýşmeleňde dymman gürleýärdi, oturanlar bolsa dymyp, onuň sözlerini ýalana çykarýardylar.

* * *

"Dünýäden doýdum, sapança tapsam özümi atjak" diýip bir ýyllap käkeledi. Ahyry, öz sapançamy eline tutdurdym weli: "Gaýraty kim bererkä?" diýdi.

* * *

Bir adam ömründe ilkinji sapar öz durmuşyndan nalamady, çünki, şol güni onuň damagy agyryp, sesi çykman galypdy.

* * *

Umytdan düşülensoň, hyýala münülenok.

* * *

Edilmeýän ynamy ödäp bolanok.

* * *

Bular ýaly oglany gündüziň günortany eliň çyraly gözleseňem tapyp bilmersiň, diňe özi gije bir ýerden doňup çykaýmasa.

* * *

Aýalyny, çagalaryny taşlap, bagtyň gözlegine çykdy.

* * *

Ýöne ýazdym, gaty pikire batyrdy.

* * *

Ýazýan kitabynyň soňuna ýetende, başyny nämeden başlamalydygyna düşündi.

* * *

Edebiýat meýdany kärendesine berlenok.

beee, Goçmyradama bir zatlar diýýär öz-ä:

"Ýazyjy indi ýazjak eserlerine ýene-de okyjylaryň "ýüz ýyldan" soň düşünip biljekdiklerine ynanýardy. Onuň eserleri ýene-de ýüz ýyl ýaşap bilse bolany, hawa, bary-ýogy ýüz ýyl...'
hawa, ýene ýüz ýyljykdaý)))))

Pikirden doly gowy miniaturalar. Ýöne gysga sözi artyk bolupdyr. Miniatura şeýle-de gysga bolýar.