Hem manysyny saklap,hem kapiya salyp terjime etmek juda kyn zat Aýgül! Gowy goşgy eken. Zähmetiñe berekella diýmeli.

Sag bol,Meňli. Terjime etmegi gaty gowy görýän. Özüňden çykyp, başga bir şahyr zenanyň "derisine girmek" döredijiligiňe-de tăsir edýär.

Gürrüñsiz. Özem aýry-aýry milletden bolan ýazyjy-şahyrlaryñ eserleri bn tanyşýañ weli,olaryñ her haýsynyñ dünýäni görüşi,syzyşy bar. Olar diñe bir döredijiligiñe däl-de pikir ýöredişiñe,añ ýetirişiñe-de täsir edýärler.

Hiç hili sütemsiz ýat bolanmyzy,
Boýun almak niçik ajy, awuly.
Sen neçüýn soraýaň, her sözüň yzy,
Öz bolup bilmedik kişiň adyny.

Jebirsiz, jepasyz ýat bolanmyzy,
Boýun almak niçik ajy, awuly.
Her sözüň yzyndan neçüýn soraýaň,
Şonça bolup bilmedik kişiň adyny

***

Ol başgady, meň adymy tutuşam
mähirlidi,
gaýdyp beýle tutjak ýok.
Görýäňmi, men ony ýatlap aglasam,
Sen agzyň gyşardyp, diňläp bileňok.

Başgady ol, üýtgeşikdi oň adymy tutuşam
gaýdyp şeýle mähir bilen tutjak ýok.
Görýäňmi, men ony ýatlap aglasam,
Sen agzyň gyşardyp, diňläp bileňok.

***

Aýgül hanym.
terjimäňizi zaýaladym öýdýän...

gowy terjime bolupdyr.
berekella.

Terjimăň terjimesi-dă, "çorbaň çorbasy" diýen ýaly))

Kakajan Balkanowyň terjimesinem goşaýaly şu ýerik.

Ýat bolduk ikimiz hiç bir ryswasyz

Ýat bolduk ikimiz hiç bir ryswasyz,
Oňa boyun bolmak neneňsi ajy!
Sorag baryn berýäň misli was-wasy,
Seni emendirýär kişi şöhrady.

Agzaýsalar meň adymy negada
Indi onuň ýaly näzik aýtjak ýok.
Ony ýatlap hamsygamda, şobada
Ýüzüňi eňşidýäň, diňläp bileňok.

Eý, betbagt dostum, berýäň müň sowal,
Ýatlatma meň çeken jebir-jepamy.
Ezizim meň üçin merhum bir owaz
Birçak terk edipdi meniň dünýämi.

© Çerubina de GABRIAK

Terjime eden: © Kakajan BALKANOW

Has gowy bolupdyr Kakajan aganyň terjimesi

Ýöne men Aýgüliň terjimesini has gowy gördüm, many taýdanam Aýgüliňki öň türkmençe ýazylan ýaly bolupdyr. Kakajan aganyňkyda biraz ýerine düşmedik sözler bar, şol ýerleri gödeňsiräk okalýar.. mysal üçin "ryswasyz" sözi gelişmändir, öň Mango hem belläpdir olary, gaýtalaýan ýaly bolup oturmagam ýerliksiz welin, şonda-da şol bellikleri menem ilki okanymda öz ýanymdan belläpdim..

Emma şeýle synanyşyklar edilip durulsa gowy, ikisinede üstünlikler! dowamly bolsun!

Sag boluň,Nurdan!

Aslynda,(şahsy pikirim,) zenanyň eserini zenan, erkegiň eserini erkek terjime etsek dogrymyka diýýän. Erkek kişi bilen zenanyň dünýäsi düýbünden parhly. Zenana diňe zenan bolup düşünmek mümkin...

Ylalaşýan, Aýgül, zenanlaryñ adyndan erkekler eser ýazsa-da, ýa erkekleriñ adyndan zenan ýazsa-da nähili ökde bolsalaram özüne çekijiligi pes bolýar, negatiw pikir döredýär (belki her kimde beýle bolýan däldirem, belki men beter ynjykdyryn? Bilmedim) . Terjime babatynda-da, şeýle, elbetde Zenanyñ duýgusyny, näzikligini ýoýman Zenan gaýtalap biler diýen pikirde menem