16:30 Kemlik kellede bolsa | |
 KEMLIK KELLEDE BOLSA Gaçarak gez gahardan, Erkiň elde-de bolsa. Tene batmak käridir, Tiken gülde-de bolsa. Ýakmasa-da gözüňe, Süýjülik çaý sözüňe, Basalyk ber özüňe, Ýürek ýelli-de bolsa. Diňläniňde arzy-hal, Etmegin «depme-halal», Bileniňi aýdyp gal, Öňden belli-de bolsa. Şer ýoluny ýapjak bol, Işi haýra sapjak bol, Ýagşy ýerin tapjak bol, Mekir-a:lly-da bolsa. Giňiräk aç gözüňi, Saldarlap diý sözüňi, Artyk saýma özüňi, Adyň dilde-de bolsa. Öňden aýdylan gepdir, Aslyň bitewi kökdür, Dogana toba ýokdur, Kesbi zille-de bolsa. Senaly, parh eýle sen, Diliň haky söýlesin, On bir syna neýlesin, Kemlik kellede bolsa. Didarberdi ALLABERDIVEW "Garagum" 2023ý | |
|
| |
| Ähli teswirler: 0 | |