00:32 Sensizlik | |
SENSIZLIK  Ýürek mydam duýgularyň ýesiri, Senli günler - ýagşy niýet, päl maña. Arzuwlanan günler kimleň nesibi, Sensiz dogjak bolsa derkar däl maňa. Sensiz dogjak bolsa günüňem nury, Gapysyny kakmaz tüm deý dünýämiň. Tüm deý dünýäň arasynda bir özüm, Ýönekeýje salgymdygmy bilýämiň?! Ýa bilýämiň gaýramyzdaky tuduň, Seni menden näçe gezek soranyn. Ynha men şol, yeke goýmak nirede?, Hatda ýagşyň damjasyndan goranyn. Biwagt bulut gelip ýagsa üstüne, Her ýagan damjadan halymy sora! Gorama damjadan, ýelden, tupandan, Meni ýalňyzlygyň derdinden gora! Goramasaň ynjyk dünýäm elener, Ýürek kabul etmez senden özgesin. Ir gel, giç gel, gelseň bolýar dünýäme, Ykbal maňa sensizligi dözmesin. © Nurgözel ÝAZBERDIÝEWA | |
|
| |
| Ähli teswirler: 0 | |