15:03 Söýgi | |
| SÖÝGI Üzüm hoşasyna şeker inipdir, Ýüregim ýakymly süýjülik duýýar. Ähli süýji sözler eýýäm diýlipdir, Men olary gaýtalaýan hem uýýan. Juwan gözlerinden mähir agypdyr. Hatda guran agaçda-da aýdym bar. Bu ýeriñ ýüzünde bir söz galypdyr, Heniz aýdylman. ********************** Depämizden syrygyp dur gar suwy Pagyş - para ýüreklerem,ýerlerem. Bir ýumşaklyk eýeläpdir barlygy Ýöne bu gün özgä syrym bermenem. Garanjaklap gaty gülmen Gaýmaryn. Ulaldym men,agraslandym,goýaldym. Arasynda mähelläniñ,jaýlaryñ Gezip ýörkäm gözüm açdym,oýandym. Durus indem, Uzak ýatan sary gar Ýyrtylypdyr bölek-bölek biýz kimin. Bu dünýäniñ eräp barýan gary bar, Hem Güni bar gorjalanan köz kimin. Durus edil deñze çykjak gaýyk deý, Durus ýöne bir-birege söýenip. Bu dünýäde eremezlik aýypdyr Bu dünýäde nämä degmez söýeniñ?! Mämmetnazar Babanazarow | |
|
| |
| Ähli teswirler: 1 | |
|
| |
