Name: Ýadygärlik galsyn
Item: Ýadygärlik galsyn
Author: Мango

Baş sahypa » » Ýadygärlik galsyn

21:20 Ýadygärlik galsyn
ÝADYGÄRLİK GALSYN Serediň adamlar, sözleýär asman, Sözleýär seslenip mawy bulutlar. Serediň, serediň, baksaňyz her ýan, Sözleýär seslenip bägüller, otlar. Derýalar möwç urýar, deňizler joşýar, Tolkunýar ol, mawy asman tolkunýar. Tolkuna ýyldyzlaň suraty düşýär, Serediň dostlarym, güneş galkynýar! Toplanyşyp gökden uçýar durnalar, Saýraýar serçemen baglaň guşlary. Ganatlaryn gerip geçýär durnalar, Seslenýär daglaryň belent başlary. Bat bilen silkinip sözleýär Watan, Näletläp ol elhenç atom bombasyn. Ynsanlara gülüp gözleýär Watan, – Eşitmek islämok! – bombalaň sesin. Gaýtalaýar muny enem – mähriban, Gaýtalaýar çagalar dürli dillerde. Atom bilen ýandyrylsa bu jahan, Aýdyň ahyr, mekan tutjak nirede? Goý, güneş parlasyn, tebigat gülsün, Ynsanlaň öňünde çöksün ol dyza. Biziň döwrümizden ýadygär galsyn, Päk parahat asman nesillerimize! Annasoltan KEKILOWA.
1 2 3 4 5 Bölümler: Goşgular \| Görülen: 83 \| Mowzugy paýlaşan: Ak-sary \| Teg: Annasoltan Kekilowa \| Рейтинг: 3.7/3

Похожие материалы

Awtoryň başga makalalary

Ähli teswirler: 6
Порядок вывода комментариев: 0 1 Мango • 23:11, 10.12.2023 Goý, güneş parlasyn, tebigat gülsün, Ynsanlaň öňünde çöksün ol dyza. ynsanlaň öňünde dyza çökmeli zat näme? tebigatmy? aslynda her zat ynsan üçin ýaradylan. şeýlekä tebigaty dyza çökerjek bolmak gerekmi? bir döwür bolupdy tebigata garşy uruş yglan edipdiler, tebigata garşy gidip sibiriň derýalaryny orta aziýa akdyrmakçy hem bolupdylar. goşgyda azajyk propaganda bar. sowuk uruş, atom bombasy... zakaza ýazylan ýaly (erbet diýdigim däl, ýöne aýdýan). 0 2 Мukam • 23:36, 10.12.2023 Fullest tebigat, Adam naz nygmatyny ecilse dyza conditions bor. Gown yazylypdyr 0 3 Мukam • 23:37, 10.12.2023 *güllese 0 4 Atsyzatly • 12:35, 11.12.2023 Döwrüne görä, döwrüniň aktual temasyna ýüzlenip ýazylan oňat goşgy. Goşgyda atom bombasy ulanylsa onuň mahrum edip biläýjek gözellikleri sanalýar, ýöne içinde ýekejede adam eli bilen döredilen gözellik geçmeýär. Hemmesi tebigata mahsus. 0 5 Atsyzatly • 12:47, 11.12.2023 Men-ä ony Mango daýy uruş diýip yglan etmezdim. Sibiriň dolup-daşyp, möwç urup ýatan däli derýalarynyň ummasyz süýji suwuny demirgazyk buzly ummanyna boşuna akdyryp isrip edenden, merkezi Aziýanyň guraksy çöllerine, suwa teşne takyr düzlerine akdyryp, eliňdäki materialy has ýerlikli ulanmak we çöl-beýewanlygy bagy-bossanlyga öwürmek diýip düşünerdim. 0 6 Мango • 14:01, 11.12.2023 tebigata garyşyberseň (derýalaryň akymyny başga ugra gönükdirseň) tebigatyň balansy bozulýar... alymlar dogry hasaplanok.

запомнить
Забыл пароль \| Регистрация

E-mail:
Пароль: