08:50 *** | |
| Näzijek göwnüňe degmekden gorkup, Syrym saklap gezdim şu çaka çenli. Bu gün bolsa bire baglap ýüregim, Saňa birzatlary aýdasym geldi. Gel,janym,kalbymy açaýyn saňa, Isle-hä ýaz eçil, Isle-de ýazgar. Barybir gözleňden gitme ýok maňa, Bu söýgi kalbyma ebedi ýazlar. Ynan,kän gezdim men bir özim söýip, Indi ýürek bu ahwaldan iripdir. Sen bilýärmiň,gara gözüň güldürip, Öten agşam düşüme-de giripsiň. Şo-ol günem diýsene... duşupdygam biz, Gelipdem şo-ol sözi diýmeli halat. Ýöne ýüzüm kesä sowanym üçin, Şol gün ýygralygma okadym nälet. Hawa,kän oýlandym, ölçerdim, dökdim, Ýöne muny sen birjigem aňmadyň. Wiý,ýogsa-da,näbilýäriň diýsene, Belki,senem meňki ýaly haldasyň. Hut şonuň üçünem giç dälkä heniz, Bu söýgi armana dönmänkä bir gün. Gyzgyn ýüregimi aýama alyp, Gel,saňa bar zady bereýin gürrüň. | |
|
| |
| Ähli teswirler: 0 | |