21:55 Barýan paý-pyýada.. | |
| BARÝAN PAÝ-PYÝADA Barýan paý-pyýada, Çagylly köçe Ýol çarkandak, aýagymam ýalañaç. Çümýär gyýçak daşlar, (Wah nälet siñen, Hökmanmydy şumat, Öñem ýarym aç.) Kesintgiñ yzasy ýüregme batýar, Yssy ýakyp barýar, Ysgyngyndan gaçýan, Gaýnaýar beýnim. Çygjarýar köýnek, (Ýeri indi maña galypmy köýmek!) Hanha, gözýetimde suw satýan kişi, Howlukýan ýanyna Ganaryn içip. Soradym suwundan, Deñine ýetip, Pulumam ýok, Karzam berenok. (Onuñkam dogry, geçen gaýdyp gelenok). -ýanyñdan çykmazmy köne kör şaýlyk, owurt suw almaga ýeterem belki, Al iç, ikinjisi mugt noş bolsun! Teşneligim ganmasada hoş boldum. Sahylyk edenine begenip. Ýolum dowam edýän. Güne gowrulyp, Mañlaýym gasyn açýar ýygrylyp. Çürşerýär ellerim, Gaýmaklaýar añ. Bogazym kiçelýär... Ýalap dodagym, Uludan-uludan demim alýaryn. (Entek ýaşym kyrkadama ýetenok, Eýýämden garraýanym añýaryn). Bäh şeýlekin geçipdir ýüwrük wagtym, Çagalyk, oglanlyk çybykdan atym, Ýa tigerçek ýasanyp iki ýan ylgap, Keman atyp, guş ürküzip ýörenim. Bägüle burç sepip, aşyk men diýip, Özümçe... Bir gyza sowgat berenim. Haý garagolluk ýetişen eken, Deñ-duşlarym bolsa, Söýgiñ gülini, Tirip, Yşk söwdasyn edişen eken. (Aý, ol zatlar gümüne gitsin, Meniñ entek ýolum uzak dowam etmeli) Ýene teşneligi gandyrmak üçin. Ýol öndürip menzilimi geçeýin... © Remezan MÄMETGURBANOW | |
|
| |
| Ähli teswirler: 2 | |
|
| |
