23:27 Eje! | |
 EJE! Oglum Hanöwez ýylyñ başynda dogulansoñmy bakja bagyndaky deñ-duşlaryndan dilliräk, ekabyrrakdy, toparda garagolragam şoldy. Bakja-baga baran gününden enekesi Ejegül dayza Mama diyip at goýdy. Beýleki topardaşlaram onuñ yzyna eýerdiler-de enekelerine mama , mamamjan diyip ýüzlenip başladylar. Bakja bagynda her bir gün özüniñ täzelikleri bilen dowam edýärdi. Oglum käbir çagalar ýaly aglamany ýa baga gitjek däl, bakjada galjak däl diymanem bilmedi, höwesine gatnaýardy. Cagajyklaryñ ahlisiniñ adyny bilip, içinden kăbir oglan-gyzlary has köp agzaýardy, Kakajan, Emir, Emine onuñ kän agzaýan atlarydy. Öwse-de şolary, döwse-de şol atlar agzalýardy. Işden soñ yzyndan almaga barsañ öýe gelýänçäñ bir topar zat gürrüñ bererdi. Orta ýaşda gözüm düşen balajygymyñ jedir-jedir edip gürleýşine guwanyp menem zol-zol sorag bererdim. Soñky günler Owezjan ejem aýtdy, ejem diýdi diýmegi çykardy. Bir zatlar gürrüñ berip, ony nirden eşitdiñ diýsem ejem aýtdy diýerdi. Bu gürrüñler meni oÿlandyrman durmady. Oglumdan ýañky soraglary gaýtalap-gaÿtalap soradym ol ÿene-de - Ejem şeý diydi. Diyip ýylgyrdy. - Seniñ ejeñ men dälmi? - Ssen - Men-ä saña beýle zat aýdanym ýadyma düşenok, sen gowja düşündirsene saña ol zatlary kim öwretdi? - Ÿok, sen däl, beýleki ejem. Şol ýerde öÿe ÿetdik, Hanöwez özüne alynan pökgini gördi-de dünýäni unutdy. Ol wagt ondan gyssap sorasañ-da jogap bermejegi ikućsyzdy. Hälki gürrüñler meni iñkise goÿdy, başga bir eje gelip , oglumy elimden alyp barýan ýalydy. Öz-özüm was-was bolup iş edemde-de içimi gepletdim ýördüm. Onuñ sebäbi bolsa köpiñize aýandyr. Bu ýagdaý düýşüme dagam giripdir. Ertesi irden balajygymy bakjasyna eltip, eşiklerini çykaryp durkam, düýnki soraga jogap tapyldy duruberdi. Bizden irràk gelip topara giren çagalar: - Salam eje, eje bu günem bize erteki okap berjekmi? diýip bökjeklediler. Men bilen sag bollaşyp topara girip giden oglumam - Mama salam men geldim, Eje salam diýip, terbiyeçisi Güljahana tarap ylgady. Bu ÿagdaýy görüp bir hili duýgy gaplap aldy, muña begenmänem, biraz gabanmanam durmadym. Ýöne şol günden soñ işe , gaty arkaýyn gitdim. Sebäbi oglumyñ ÿanynda Mamasy hem-de Ejesi bardy. © Şemşat NEFESOWA | |
|
| |
| Ähli teswirler: 4 | |
|
| |
