Ýaňy bu awtoryň beýleki ýazanlarynam okadym. 
Şu ýerde jemläp ýazaýyn. Ýöne ýowuz daraýanym üçin kine etmeşek ýok. Aslynda bu "ýowuzam" däl, häki bir dogrymy aýdýan.
Awtor - başlangyç bolmaga çemeli. Umuman, goşgyň formasyny, bogun sanyny we beýleki elementar ölçeglerini öwreneni bildirýär, diýmek, ony-muny okaýandyr. Ýöne heniz poeziýanyň formulasyny çözmändir (meniň pikirimçe), sebäbi edebiýat üçin diňe bu zatlar ýeterlik däl.
Standart eser - sahypany ýapan badyňa sumat bolýar.
Diňe özüňe mahsus, başgaça hiç hili beýan edip bolmaýan, senden başga hiç kesiň beýdip ýazyp bilmejek eserlerini döretmäge synanyş. Şol bir wagtyň özünde ol netijede hemme kişä tanyş duýgy bolup çykar.
Ýöne "üýtgeşik" bir zat etmäge synanyşanyňda, "Güýz gününiñ gussasy" diýip at goýanyňdaky ýaly her sözi şol bir harpdan başlamak ýaly ýöntemje zatlardan gaça dur.  Muňa original atdyr öýdersiň welin, aslynda, onuň bireýýäm lenji çykan.
Formany her tüýsli edip döwüp gör, gaňryp gör, gyşardyp gör, egrip gör... sazlaşyk her tüýsli bolup bilýär. Goşgynyň dörtburç bolmagy, bogun san, kapyýanyň meňzeşligi - onda hemme zadyň ýerbe-ýerdigini aňlatmaýar. Ýöne, beý diýsem, diňe döwmegiň hatyrasyna döwmegem nädogry. Her bir zatda sazlaşygy tapmaga dyrjaş.

Men beý diýip, birgiden zat ýazdymam welin, awtor başlangyç däl bolsa - oblom...)) 
Garaz, täzelik gerek. Okyjynyň wagtyna hormat goýuň. Aýdara dogrudanam wajyp zadyňyz ýok bolsa - eseriňizi köpçülige çykarmaga howlukmaň. 
Hemmäňize üstünlik!

Maksat, doganym, başlangyç däl, ýöne arkaýyn ediberiñ tankydy, özi şu günjik aýtdy: "men tankydy gowy görýan, tankytlasynlar" diýip.)))