00:49 "Güýzüm, saña meñzeş bir gyz..." | |
 "GÜÝZÜM,SAŇA MEŇZEŞ BIR GYZ" Güýzüm, saňa meňzeş bir gyz, Biraz gamgyn, biraz ýalňyz, Ilden-günden alyp salgy Çaýlaşmaga gelmezmikä? Allanyň arzuwna des-deň, Destinde dogaly depder, Iň bolman bir gün, bir hepde, Aýlaşmaga gelmezmikä? Buz örtüp, gyşlap köňlümi Ýazlaşmaga gelmezmikä? Meň özüme öz göwnümi Aldaşmaga gelmezmikä? Aýralygyň nyşanasyn Ursa, otursa ýanaşyk, Gam ýyldyzlaryn sanaşyp, Paýlaşmaga gelmezmikä? Yşk goýnunda irkilmäge, Henek atyşyp, gülmäge, Meň bilen söhbet kylmaga, Bo:ýlaşmaga gelmezmikä? «Bar alajy her zadyňam» – Diýip, eşdip perýadymy, Gamyň, derdiň derýasyny Boýlaşmaga gelmezmikä? Ret edip däp-dessury, Özünden bilip mejbury, Çölden idäp men Mejnuny, Azaşmana gelmezmikä? Ýaman gözden bolup ägä, Ýalan sözden bolup ägä, Bu derdimi egsigmäge, Aglaşmaga gelmezmikä? © Gurbandurdy ORAZOW | |
|
| |
| Ähli teswirler: 2 | |
|
| |
