16:41 Laçyn Bazarowanyň goşgularyndan | |
| Köz däldiň sen, alawdyň, Howruň ýetdi daşyňdan. Ejemjanym kän ýola Köke aýtdy başymdan. Ejem maňa perwana, Menem saňa perwana. Aý oglan, bir sägin-ä, Wagt boldy duýmaga. Köpler daşymdan görüp, Diýýär: “Samsyjak gyz-la!” Kän zat islämok ahyr, Söýgiň ýoluny yzla. Samsyjak men bolaýyn, Ýöne diňe seniňki. Hany, göniňden gel-le: Seniň kalbyň kimiňki? * * * ULUGYZYŇ DILINDEN (degişme äheňinde) Şu gün hökman ogurlyga baş goşjak, Özlügimden çetleşjek. Ynsap bilen jetleşjek. Ogurlyga baş goşjak. Kemlikden kän ýadadym, Öňler juda sadadym. Çykyp biraz kadadan, Ogurlyga baş goşjak. Ýaşam gidip barýar kem-kem, Kemäp barýar çalynýan heň. Etmek üçin jüpi jüpe deň Ogurlyga baş goşjak. Ogurlygym däl zeperlik, Elýaglyjagam ýeterlik. Joram toýdan teperrik, Soraşman alyp gaçjak, Ogurlyga baş goşjak. * * * YLHAM JORAM “Ylham aga” diýýäler, Meniňki-hä aga däl. Sähel bir zat boldugy Öýkeleýär, gelmeýär. Ol şeýle bir kejirje Hemem bukýar özüni. Menem şo-ol gözläp ýörün “Ylhamlaryň” gyzyny. Käte jora-da bolýas, Pişämiz kagyz-galam. Bir görsemem zym-zyýat, Maňa çyn, size ýalan. Gowsy “waspyn” goýaýyn, Ynjykdyr-la, ah, heder! Menem-ä bir öýkelek, Ol mendenem on beter. * * * Diýmek isledim, Dymdym. Uzaklaşdym. Has söýdüm. Kalbymy kalbyňa baglap, Gedemligmi diri jaýlap, Seniň bilen menligimi Ýitirenmi duýdum. Söýgi bagtdyr öýtdüm. Göz ýetirdim, yşk oýnunda Men, men senden juda Mertdim. Duýdum Uzakdan derdiň. Bagt ýerine dert berdiň. Ejizlediň, ejizletdiň... Laçyn BAZAROWA | |
|
| |
| Ähli teswirler: 5 | |
|
| |
