Name: Men Rabyýa
Item: Men Rabyýa
Author: Мango

Baş sahypa » » Men Rabyýa

08:21 Men Rabyýa
MEN RABYÝA Hany, bir dileg ediler-ä! Ol dilegem gudraty güýçli Mälik-ül Mülküň Dergähinde kabul bolar Ýa diläniňdenem has haýyrly has gowsy bolar. Men — Rabyýa! Men — Rabyýa! Elleri Arşa açylan Ýöneldigim Tur dagydyr... Ýöredigim... Uçdugym... On iki asyrlyk menzili Bir sekuntda geçdigim... Men — Rabyýa, Nebsime dözdügim, Hiç kime dözmedigim, Gülden, Guşdan, Tikenden, Çarkandakdan, Ezizimiň Yzlaryny yzladygym... Ýüzüm gülse, Ýüregim aglap duranym, Aýakýalaň pyýadalap, Mele ýeriň arkasyny torç etdigim... Adyny gije-gündiz dilimde ürç etdigim... Elimde nä bolsa, Ýalňyz Oň ýoluna bagş etdigim. Men — Rabyýa, Iň soňky ragbaty gaçyp, Eziziň özünden özgäň gullugynda durmaýan, Mal-mülk näme, bar dünýäni ýeke teňňä urmaýan, Gündizlerne zikir eýläp Gijelerne: “OL — YŞK” diýip samraýan, Päklikden, Dilegden, Yhlas-Ynamdan gaýry mezhep bilmeýen, Söýgüliň Yşkyndan kör bolup, Firdews jenneti görmeýen, Rabyýa — men, başgasyna el sermeýen. Elleriňi, Ýüregiňi giňden açyp, Ruhuň uçup, Gije ýarymdan agansoň, hany bir gowy dileg ediler-ä, ana, Şol Dileg. Men — Rabyýa. Suraý BABANYÝAZOWA
1 2 3 4 5 Bölümler: Goşgular \| Görülen: 140 \| Mowzugy paýlaşan: Pegas \| Teg: Suraý Babanyýazowa \| Рейтинг: 5.0/5

Похожие материалы

Awtoryň başga makalalary

Ähli teswirler: 2
Порядок вывода комментариев: 0 1 Мango • 09:40, 07.08.2023 Gülden, Guşdan, Tikenden, Çarkandakdan, Ezizimiň Yzlaryny yzladygym... Onuň pozulmaýan galam bilen her ýerde ýazan ýazgysy barada şu temada gürrüň gidipdi. https://edebiyat.clan.su/news....05-1676 Syýasyz ýazylan ýazgy barada-da bu ýerde bar: https://edebiyat.clan.su/news/syyasyz_yazylan_yazgy/2022-12-28-344 hawa, gülde, guşda, tikende, çarkandakda... Onuň ýazgylaryny okap bolýar... *** Söýgüliň Yşkyndan kör bolup, Firdews jenneti görmeýen, Rabyýa — men.... bu setirlerem ynaçly kişileriň üç görnüşini ýada saldy. Birinji görnüş ynanan kişi - GORKUSYNA (dowzahdan gorkusyna) ybadadat eder. Ikinji görnüş ynanan kişi - ISLEG BILEN, TAMA BILEN (jenneti isläp) ybadat eder. Üçünji görnüş ynanan kişi - dowzahdanam GORKMAZ, jennetem ISLEMEZ, ol diňe ONUŇ RAZYLYGYNY GAZANMAK ÜÇIN ybadat eder. iki görnüşem gowy, ýöne iň kämil görnüş üçünji. şonuň üçin biziň Rabyýamyz "Söýgüliň Yşkyndan kör bolup, Firdews jenneti görmeý(är)..." Ol jennedem görenok, dowzaham, ol diňe ONY görýär, oňa diňe OL gerek... Suraý hanymdan gowy goşgy okadanyňa minnetdar Pegas daýy. Suraý hanyma-da üstünlikler. 0 2 Seýrаn • 09:41, 09.08.2023 Gowy goşgy ýazypdyr Suraý.

запомнить
Забыл пароль \| Регистрация

E-mail:
Пароль: