Name: Sessiz durmajak setirler
Item: Sessiz durmajak setirler
Author: Pero

Baş sahypa » » Sessiz durmajak setirler

00:16 Sessiz durmajak setirler
SESSIZ DURMAJAK SETIRLER Ýüregim ýarylyp, ýarylyp gidýär, Ajy tüssäñ ysy gelýär burnuma. Süññümdäki bu yzan-da-çuwanlyk Pikirlermi salyp barýar gyrgyna. Diýýärin özüme: "Goja Zeminiñ Öz derdi-düwüni ýetik, señki nä?!". Ýaşaýşyñ gadryny bilmeýänlere Ýaşamak günä! Daşarda asuda günler toý edýär, Peýdasy ýok, içim ala zenzele. Ýykylýar binalar, çabraýar ataş, Men ýa-da dünýäniñ özi señsele. Bilýärkäñ bilmediksiremek agyr, Görüp durkañ nädip diýersiñ "hiç-le". Bir sebäp bolmasa, ýazylmaz şygyr, Jiger gysylmasa, gysylmaz dişler. Gözlerimi ýumsam, bäbekli ene, Açsam, gamhor ata, nämyrat çaga. Halas edýän bolsa aman dilemek: Eý, Allam, özüñe sygynýas, toba! Adamzady bela-beterden gora! © Gurbanjemal ANNAKOWA
1 2 3 4 5 Bölümler: Goşgular \| Görülen: 122 \| Mowzugy paýlaşan: Medicall \| Teg: Gurbanjemal Annakowa \| Рейтинг: 5.0/5

Похожие материалы

Awtoryň başga makalalary

Ähli teswirler: 6
Порядок вывода комментариев: 1 1 Pero • 08:18, 19.10.2023 Ṣu günlerki dünỳäde bolup geçýän gyrgynçylyklara çydaman ýazylan setirler öýdýän. Ṣahyr ṣahyr bolanda iliñ derdi öz derdi bolýar. Gurbanjemalyñ bu goṣgusam il derdi hakdaky dertli goṣgy bolupdyr. Dünỳä agyr muṣakatlyklary baṣdan geçirýä,hernä Alla bendesine görä bolmawersin,bolmawersin... 0 2 Мango • 09:12, 19.10.2023 hawa. Gurbanjemal hanymyň kalbynyň zenzelesi Palestinadygy görünip dur. ol bombalanan hassahanadan kadrlary görmäge ýürek çydanok... hiç kimiň elinden zat gelenok. ne super-döwletleň, ne birleşen milletler guramasynyň, ne yslamy guramalaryň, dünýe bu zulumy diňe synlaýar... Allah kömekçimiz bolsun... 0 3 Мango • 09:16, 19.10.2023 sessiz durmadygy üçin Gurbanjemal hanyma hormat. (sessiz durmak köplenç zalymyň peýdasyna bolýar). 0 4 Medicall • 09:20, 19.10.2023 gynansak-da şeýle, ýüregiň ýarylyp gidýar, eliňden bolsa geljek kömek ýok, diňe Alladan dileg etmekden başga... "Dünýä abat dursun, parahat... " Gurbanjemalyňam ellerine-de, ýüregine-de saglyk! 0 5 Medicall • 09:30, 19.10.2023 goşgyny ugradanda-da smsa-da ýazypdyr:"Bu günler näme iýýäs-içýäs belli däl, tw-ny göresimizem gelenok, görmeseňem bolanok, garaz biygtyýar ýazylýar goşgular. Ýazasymam gelenok ýogsa beýle goşgular, Olary görüp ynsandygyňa utanýaň adam pidalaryny görüp, öz ýurdumyza, günümize müň şükür edýäs..." diýip, çuňňur gynançly ahwaly bilen ýazypdyr... 0 6 Medicall • 09:50, 19.10.2023 "Eý, Allam, özüñe sygynýas, toba! Adamzady bela-beterden gora!"

запомнить
Забыл пароль \| Регистрация

E-mail:
Пароль: