15:51 Älemgoşar | |
 ÄLEMGOŞAR «Ýene gökde älemgoşar doguldy, Gagyldaşyp, gazlar geçdi üstümden». Annaberdi AGABAÝEW. «Ýene gökde älemgoşar doguldy», Ynanasym gelýär görýän düýşüme. Meňzeýär giň sähra, Asman – ýagynly Bir hyýalbent suratkeşiň işine. Biri sary, biri ýaşyl, biri ak... Reňkler tans oýnaýar daglaň gerşinde. Many gözleýärin durnaň gykuwlap, Gök ýüzünde ýollar çekip ýörşünden. Ýüregim gobsunýar. Tolgunýar dünýä. Salgym atýar gögüň owsunjy şaly. Barlyk çakymyzdan çuňňur görünýä, Ähli syr şu ýerde jemlenen ýaly. Saýla reňkleň haýsy birin halasaň, Olar şatlyk-şowhun goşýar Äleme. Şu pursatda synlap ynsan balasyn, Dymýar Arş-Kürs garaýan deý täleýe. Göýa keşbi meňzeş, ýollary aýry Älemgoşar – adamlaryň ykbaly. Ýa ol – ile ýakyn, Özüne saýry Şahyryň giň dünýä sygmadyk haly... © Gurbanjemal ANNAKOWA | |
|
| |
| Ähli teswirler: 0 | |