18:50 Köñülleriñ hossary | |
| KÖÑÜLLERIÑ HOSSARY Dostuñ öýi köñüldedir, Köñüller ýapmaga geldim. Ýunus EMRE Keramaty göreý diýseñ bäri gel, Bu ýerde dag-daşlar, bijanlar diri. Mesgen tutmuş Köpetdagyñ gerşinde "Yşk-yşk" diýe yşkyñ saýyly bolan Anadola uçan durnalañ biri, Köñülleñ hossary, Tarykat piri! Şahyrlar şahyry, Eý, dostlar dosty! Hajy Bekdaş, Tapdyk Emräñ şägirdi. Zemin bilen ýaşyt oguz dilini Rum iline ýaýan türkmen ägirdi! Hoş geldiñ, parahat ýaşaýyş üçin Gylyç däl, söz bilen söweşe çykan Poeziýañ merdi! Kalbyñ ahwalyna sessiz däl gözler, Serde köwsarlaýar Möwlanañ sözi. Ne ajap aýdypdyr zehini ezber, Bu söz galkyndyrýar batyl-dilsizi. Hiç zady goýmady yşkyñ deñinde, "Gördüm onuñ aýak yzyn öñümde". Derwüşleriñ hikmetini açasyñ Gelse, Ýunus Emre - türkmen gojasyn Oka! Tana, hak aşygyñ kimdigin. Serp ruhuñdan nadanlygyñ şalyny. Dünýä gözüñ açan günüñi däl-de, Baýram et gaflatdan oýanýanyñy. Ynsanlar ynsany Ýunus Emräniñ Ýol bolupdyr aýagynyñ yzlary. Mähir-muhabbete, söýgä hemranyñ Gül açypdyr taýagynyñ yzlary. Kemençede çalýan şirin sazlary Erkin guşlañ owazyna sazlaşýar. Çalamydar umytlara jan girip, Buz bürän ýürekler, päller ýazlaşýar. Ýyldyz diñe gök asmanda bolmaýar, Mahal-mahal ýerde dogulýa olar. Ykballara ýalkym saçýan şamçyrag Dana, şahyr, ozan, öwlüýa olar. Ruha ganat, dem-nepesdir öýkene, Süýnmeýärler, Öwrülýärler heýkele. © Gurbanjemal ANNAKOWA | |
|
| |
| Ähli teswirler: 6 | |
|
| |
