Name: Meniñ günüm
Item: Meniñ günüm
Author: Мango

Baş sahypa » » Meniñ günüm

09:11 Meniñ günüm
MENIÑ GÜNÜM Bu gün ýedi bäşi galdyryp yzda, Barýaryn ömrüme minnetdar bolup, Il-güne, döwrüme minnetdar bolup. Meni dünýä beren enem-atama, Saglyk diläp, ýaş diläp. Bu gözel ýaşaýşy, gözel durmuşy, Aýdym bilen, goşgy bilen hüwdüläp. Dogluş hakyndaky resminamamda Ýazylan bolsa-da anyk sene, san. Men ömrüñ her güni täzeden doglup, Ähli zady başdan başlap ýaşaýan. Şonuñ üçin bir zat diýsem geñlemäñ, Ýene bir hasap bar adatdan daşda. Kesgitli jogaby bermäñ, sebäbi Ömür ýaşym başga, Öz ýaşym başga. 120 ýaşa mätäçligim ýok, Ony her gün ýaşaýaryn esseläp. Dileg etmek isleseñiz uzak ýaş Onda maña däl-de meni ýaşadýan: Ynsan üçin, Söýgi üçin, Ynam üçin dileg ediñ, wessalam. Her bir günüm gutlanmaga mynasyp, Her bir günüm - asyrlara deñ günüm. Aýlary, ýyllary biljek däl, ýöne Bu gün doglan günüm, Bu gün meñ günüm! © Gurbanjemal ANNAKOWA 25.07.2023
1 2 3 4 5 Bölümler: Goşgular \| Görülen: 124 \| Mowzugy paýlaşan: Medicall \| Teg: Gurbanjemal Annakowa \| Рейтинг: 3.3/3

Похожие материалы

Awtoryň başga makalalary

Ähli teswirler: 2
Порядок вывода комментариев: 0 1 Мango • 10:57, 25.07.2023 Bu gözel ýaşaýşy, gözel durmuşy, Aýdym bilen, goşgy bilen hüwdüläp. durmuşyň hüwdülenmegi - kellämi agyrtjak bolýar. hüwdiniň maksady uklatmak... "Bu gözel ýaşaýyş, gözel durmuş" näme üçin hüwdilemeli? ýa "aýdymly hüwdi", "goşguly hüwdi" başga zatmyka? ýöne, hüwdi ukladýar. hüwdide gipnozlyk bar. ikinji ýöne, uklamalam, hüwdülenmelem bolýas. ýatyp bir az dynç almasak olam bolmaz... üçünji ýöne, gipnozyň täsirinden çykyp bilmän beýle köpem ýatmaly däl. oýalyk gowy zat. 0 2 Pero • 08:22, 26.07.2023 Hūwdi ýene bir maksatda ulanylýar. Niredemi? Sygyr sagylanda.:)))O ỳagýaýda maksat uklatmak däl-de köṣeṣdirmek. Sygyrlar hüwdå köṣeṣýär. Ūstesine-de sūýdi köp inýå

запомнить
Забыл пароль \| Регистрация

E-mail:
Пароль: