09:34 Belki diñe täsinlikleñ gijesi... | |
BELKI DIŃE TÄSINLIKLEŇ GIJESI..  Täze ýyl baýramy üýtgeşik,täsin Şowhunly pursatlar bagta beslener. Ulular hem çagalygna dolanyp, Göwünler joşgunly heñe seslener. Agzybir ojaklar hasam görklenip, Mähir ýürekleri ýyladar aşa. Gelinlik lybasyn geýiner Zemin, Bezenen arçalar ýaraşar gyşa. Hemmeler bir zada garaşýar göýä, Belki,täzelikleñ asly umytdyr! Täze ýylda hökmün ýöredýär arzuw, Hyýalbentlik hakykaty unutdyr. Hemmeler ýaşynam unudar şo hal, Çagalary bilen çaga bolarlar. Ýa-da mähir bilen sowgat paýlaýan, Ak sakgally Aýazbaba bolarlar. Göwün öñküsinden ýaşaran ýaly, "Nämüçin-kä?" sowal seriñe gelýär. Belki,diñe täsinlikleñ gijesi, Gamsyz çagalygña dolanyp bolýar. © Meñli AŞYROWA. | |
|
| |
| Ähli teswirler: 2 | |
|
| |
